بەپێی هەواڵی کوردپرێس، هه‌رێم که‌مال ئاغا، سه‌رۆکی فراکسیۆنی یه‌کێتی له ئه‌نجومه‌نی نوێنه‌رانی عێراق، بە میدیای رەسمی حزبەکەی وتووە: هێرشی سوپای تورکیا مه‌ترسییه‌کی گه‌وره‌یه و پێویسته رێگری جددی لێبکرێت.
سەرۆکی فراکسیۆنی یەکێتی ئەوەشی خستەڕوو "زۆربەی ڕاوێژکاران و شرۆڤه‌کاران وایده‌بینن که ئه‌م ئۆپه‌راسیۆنه بۆ ده‌رکردنی کێشه‌کانی ناوخۆی ده‌وڵه‌تی تورکیایه بۆ ده‌ره‌وه."
بەقسەی هەرێم کەمال ئاغا "زیاتر له ۵۰۰ گوندی ئه‌و ناوچه‌یه سه‌رله‌نوێ دانیشتوانه‌که‌ی توشی ماڵوێرانی و راگواستن له‌سه‌ر ماڵ و موڵک و گوند و دێهاته‌کانی خۆیان ده‌بن."
سه‌رۆکی فراکسیۆنی یه‌کێتی پێشی وایە کە "ده‌بێت په‌که‌که گوێ له حکوومه‌تی هه‌رێمی کوردستان بگرێت و به‌رژه‌وه‌ندییه‌کانی حکوومه‌تی هه‌رێم له‌به‌رچاو بگرێت".
Your Comment