ئولوچ:

دەبێت یاسای بنەڕەتیی پرۆسەی ئاشتی دەستبەجێ پەسەند بکرێت

نوێنەرێکی دەم پارتی وێڕای جەختکردنەوە لەسەر پێویستیی پەسەندکردنی خێرای یاسای چوارچێوەی پرۆسەی ئاشتی، ڕایگەیاند کە ئەم «یاسا بنەڕەتییە» دەبێتە هۆی بەدامەزراوەیکردنی پرۆسەکە، هەروەها پێگە و پێناسەی عەبدوڵا ئۆجەلان و سکرتارییەتی هاوڕێی تێدا دەستنیشان دەکرێت.

جێگری وەزیری ناوخۆی تورکیا:

چەک دانانی پەکەکە، بۆ حکوومەت زۆر بەهادارە

بۆلێنت توران، جێگری وەزیری ناوخۆی تورکیا، لە بەرنامەیەکدا بە ناوی «هەنگاو بە هەنگاو لەسەر ڕێڕەوی تورکیای بێ تیرۆر»، داماڵینی چەکی پەکەکەی وەک هەنگاوێکی گرنگ ناوبرد و ئامادەیی حکوومەتی بۆ ئەنجامدانی چاکسازیی یاسایی لە پێناو پێشخستنی ئەم پرۆسەیەدا ڕاگەیاند.

«ئەحمەد ئەلشەرع» سەرۆکی حکوومەتی کاتیی سووریا:

سووریا هیچ پلانێکی نییە بۆ دەستێوەردان لە لوبنان

«ئەحمەد ئەلشەرع» سەرۆکی حکوومەتی کاتیی سووریا، وێڕای ڕەتکردنەوەی ئەو ڕاپۆرتانەی کە باس لە ئەگەری دەستێوەردانی دیمەشق لە لوبنان دەکەن، جەختی کردەوە کە سووریا هیچ مەبەستێکی نییە بۆ چوونە ناو خاکی لوبنان و دەستێوەردان لە کاروباری ئەم وڵاتەدا.

موراد قەرەیلان:

ئازادیی ئۆجەلان و چەسپاندنی مافەکانی کورد؛ دوو مەرجی سەرەکین بۆ چەک دانانی گەریلا

ئەندامی فەرماندەیی ناوەندی پاراستنی گەل  جەخت دەکاتەوە کە تاوەکوو دەوڵەتی تورکیا هەنگاوی کردەیی و یاسایی بۆ ناساندنی بوونی گەلی کورد لە دەستووردا نەنێت و ئازادیی جەستەیی عەبدوڵا ئۆجەلان وەک دانوستانکاری سەرەکی فەراهەم نەکات، گەریلا چەک دانانێت.

گوڵتان کشاناک:

توێژە جیاوازەکان دەبێت بەرپرسیارێتی بنیاتنانی داهاتوویەکی دیموکراتیک بگرنە ئەستۆ

گوڵتان کشاناک ڕایگەیاند کە کۆنفرانسی «گواستنەوەی دیموکراتیکی کۆمار لە سەدەی دووەمدا» بە ئامانجی ڕەخساندنی کەشێک بۆ گفتوگۆی هاوبەش لە نێوان توێژە جیاوازەکان، زمانەکان و بیروباوەڕە جیاوازەکانی کۆمەڵگە سەبارەت بە بنیاتنانی داهاتوویەکی دیموکراتیک بەڕێوە دەچێت.

فشار بۆ جێبەجێکردنی بڕیارەکانی دادگەی مافی مرۆڤ زیاد دەبێت؛

ئەنجوومەنی ئەورووپا دۆسیەی دەمیرتاش و کاڤاڵا تاوتوێ دەکات

کۆمیتەی وەزیرانی ئەنجوومەنی ئەورووپا لە کۆبوونەوەی ئەم هەفتەیەیدا، دۆسیەی بڕیارە جێبەجێنەکراوەکانی دادگەی مافی مرۆڤی ئەورووپا لە ۲۴ وڵات تاوتوێ دەکات؛ تورکیاش یەکێکە لەو وڵاتانەی کە ناوی هاتووە. لە نێو ئەو دۆسیانەدا، پرسی دەستبەجێ ئازادکردنی سەلاحەدین دەمیرتاش، هاوسەرۆکی پێشووی هەدەپە، بە تایبەتی جێگای سەرنجە.

لێدانی کرێکارانی ئێرانی لە ڕیزە؛ ئەوان تەنیا حەقدەستی خۆیان دەویست

٣٨ کرێکاری ئێرانی کە لە کەرتی کشتوکاڵدا کاریان دەکرد و ژمارەیەکیشیان ژن بوون، بۆ کارکردن لە لێکردنەوەی چادا لە ئێرانەوە بۆ قەزای "چایلی" لە پارێزگای ڕیزەی تورکیا هێنرابوون، بەڵام کاتێک داوای مووچەکانیان کرد، هێرش کرایە سەریان.

بەرپرسێکی پێشووی پێنتاگۆن:

دوای ترامپ، سیاسەتی ئەمریکا بەرانبەر بە کورد دەگۆڕێت

لێکۆڵەرێکی ئەمریکیی پسپۆڕ لە کاروباری ڕۆژهەڵاتی ناوەڕاست و بەرپرسی پێشووی وەزارەتی بەرگریی ئەمریکا (پێنتاگۆن)، پێشبینی دەکات کە لەگەڵ کۆتاییهاتنی خولی سەرۆکایەتیی دۆناڵد ترامپ، تێڕوانینی واشنتۆن بەرانبەر بە تورکیا و کوردان بە تەواوی بگۆڕێت، بەڵام ئاماژە بەوەش دەکات کە دووبارە بەدەستهێنانەوەی متمانەی لەدەستچووی کورد بە ئەمریکا، کارێکی زۆر قورس دەبێت.

قەرەسوو ڕەخنە لە دەسەڵاتی تورکیا و بێدەنگیی ئەورووپا دەگرێت

بڕیارە لە مانگی حوزەیرانی داهاتوودا، کۆمیتەی وەزیرانی ئەنجوومەنی ئەورووپا کۆبوونەوەیەکی تایبەت دەربارەی پرسی "مافی هیوا" بۆ ئەو بەندکراوانەی سزای زیندانی هەتاهەتایی قورسیان بەسەردا سەپێنراوە ئەنجام بدات. لەم چوارچێوەیەدا، چەندین ڕێکخراوی یاسایی، مەدەنی و هاوسەرۆکانی دەم پارتی نامە و ڕاپۆرتی فەرمییان ئاڕاستەی ئەنجوومەنەکە کردووە.

دەنگۆی گۆڕانکاری لە سەرکردایەتیی ئاکپارتی؛ ئەردۆغان لە ئەدای بەرپرسانی حزبەکەی ڕازی نییە

لە سەروبەندی کەمپینی ڕاوێژکاریی پارتی داد و گەشەپێدان (AKP) لە شاری ساپانجا، ڕاپۆرتەکان باس لە ناڕەزایەتیی ڕەجەب تەییب ئەردۆغان دەکەن لە ئەدای بەشێک لە بەرپرسانی حزبەکەی. سەرچاوەکانی ناو حزبەکە دەڵێن ئەگەری هەیە سەرۆک کۆماری تورکیا دوای ئەم کۆبوونەوەیە دەست بکات بە گۆڕانکاریی بەرفراوان لە پێکهاتەی بەڕێوەبردنی حزبەکەدا و تەنانەت بژاردەی سازدانی کۆنگرەی نائاساییش تاوتوێ بکات.

عەبدوڵڵا ئۆجەلان:

دیموکراسیی خۆجێی دەتوانێت چارسەری زۆرینەی پرسەکانی تورکیا بێت

ڕێبەری زیندانییکراوی پەکەکە پەیامێکی بۆ کۆنفرانسی ئیدارە خۆجێیەکان نارد و گوتی: "دیموکراسیی خۆجێی شادەماری ئینتیگراسیۆنی دیموکراتیکە کە ئێمە هەوڵدەدەین لە پرۆسەی ئاشتی و کۆمەڵگەی دیموکراتیکدا بەدی بهێنین".

وۆرکشۆپی زمانی کوردی لە وان:

بێ دەستەبەرکردنی مافە زمانەوانییەکان، پرسی کورد چارەسەر نابێت

وۆرکشۆپی «پێگەی یاساییی زمانی کوردی و خوێندن بە زمانی دایک» بە دەستپێشخەریی ئەنجومەنی زمان، کولتوور و هونەری ئانکا (ANKA-DER) لە ناوەندی بازرگانیی جیهانیی وان بەڕێوەچوو.

پەسندکردنی بڕیارنامەیەکی مێژوویی لە کۆنگرەی نەتەوەیی کوردستان؛

داواکاری فەرمی بۆ کورسیی کورد لە نەتەوە یەکگرتووەکان

لە ٢٤ـەمین کۆبوونەوەی جڤاتی گشتی کەنەکە لە دیپلۆماسیی نەتەوەیی کورددا بە دەنگی ئەندامان بڕیاردرا کە بۆ بەدەستهێنانی پێگەی چاودێر بۆ گەلی کورد لە نەتەوە یەکگرتووەکاندا، نامەیەکی فەرمی پێشکەشی سکرتاریەتی گشتیی نەتەوە یەکگرتووەکان بکرێت.

گفتوگۆکان بۆ داڕشتنی یاسایەکی نوێ بە مەبەستی پێشخستنی پرۆسەی ئاشتی لە تورکیا دەستیان پێکرد

گفتوگۆ و ڕاوێژ لە نێوان ئەندامانی شاندی ئیمرالی، نوێنەرانی پارتی یەکسانی و دیموکراسیی گەلان (دەم پارتی) و بەرپرسانی باڵای پارتی داد و گەشەپێدان (ئاکەپە) سەبارەت بە داڕشتنی "یاسایەکی چوارچێوەیی" بۆ پێشخستنی پرۆسە سیاسییە نوێیەکە دەستی پێکردووە. دەوترێت بڕیارە ئەم یاسایە زەمینەی یاسایی بۆ هەندێک هەنگاوی گشتیی ئەگەری لە داهاتوودا بڕەخسێنێت.

ئۆجەلان:

هەوڵ بۆ یەکێتیی دیموکراتی و پاراستنی دەسکەوتە نەتەوەییەکان بەرپرسیارێتیی هەموومانە

عەبدوڵڵا ئۆجەلان پەیامێکی بۆ ٢٤ـەمین جڤاتی گشتی کۆنگرەی نەتەوەیی کوردستان (کەنەکە) نارد.

ئەردۆغان:

پاش کەمبوونەوەی کاریگەرییەکانی جەنگی ئێران، هەڵاوسانیش کۆنترۆڵ دەکرێت

سەرکۆماری تورکیا وێرای ئاماژەدان بە قەیرانەکانی ناوچەیی و جیهانی گوتی، پەنا بە خوا دەچینە قۆناغێک باس لە دەرفەتەکان دەکەین نەک قەیرانەکان.

ئەنقەرە لە پێشوازی لووتکەی ناتۆدا دەبێتە «ناوچەی سوور»

هاوکات لەگەڵ بەڕێوەچوونی ٣٦ەمین خولی لووتکەی ناتۆ لە ڕۆژانی ٧ و ٨ی تەممووزدا، ئەنقەرە دەکەوێتە ژێر ئەوپەڕی ڕێوشوێنی ئەمنیییەوە؛ لە قەدەغەکردنی گردبوونەوەوە تا بڵاوەپێکردنی ٤٠ هەزار هێزی ئەمنی و سەپاندنی سنووردارکردنی گەشتەکان لە فڕۆکەخانەی ئەسەنبۆغا.

١١٥ هەزار سەردانیکەر لە یەک مانگدا؛

کچە کۆچەرییەکەی کوردستان ژمارەی پێوانەیی تۆمار کرد

مۆزەخانەی مۆزایک "زێوگما" لە شاری دیلۆک (غازی عەنتاب) ڕێژەیەکی پێوانەیی نوێی لە ژمارەی گەشتیاراندا تۆمار کرد.

عەفرین و قامیشلۆ دەبنە شاڕێگای شەمەندەفەری ڕۆژهەڵاتی ناوەڕاست

لە کاتێکدا ناوچە کوردییەکانی سووریا لە ماوەی دەیەی ڕابردوودا ڕووبەڕووی شەڕ و ناسەقامگیری بوونەتەوە، ئێستا پڕۆژە نوێیەکانی بەستنەوەی هەرێمی دەکرێت ئەم ناوچانە بگۆڕن بۆ شاڕێگا ترانزێتییەکانی ڕۆژهەڵاتی ناوەڕاست.

نوێنەری کۆلۆمبیا لە نەتەوە یەکگرتووەکان:

پرۆسەی ئاشتیی نێوان تورکیا و پەکەکە پێویستی بە پاڵپشتیی نێودەوڵەتی هەیە

نوێنەری هەمیشەیی کۆلۆمبیا لە نەتەوە یەکگرتووەکان بە ئاماژەکردن بە ئەزموونی ڕێککەوتنی ئاشتیی حکوومەتی بۆگۆتا لەگەڵ گرووپی "فارک"، جەختی لەوە کردەوە کە چارەسەرکردنی بەردەوامی ململانێی نێوان تورکیا و پەکەکە، بەبێ دەستەبەرکردنی گەرەنتیی سیاسی، چاودێریی نێودەوڵەتی و هاوڕێیەتیی کۆمەڵگەی جیهانی کارێکی دژوار دەبێت.

زانیاریی نوێ لەسەر ڕێککەوتنی نهێنی لەگەڵ سەرکردەکانی PKK؛

زەمینە بۆ گەڕانەوەی ئەندامانی پەکەکە خۆش دەکرێت

لە کاتێکدا حکوومەتی تورکیا هێشتا بە فەرمی وردەکارییەکانی ئەو پرۆسەیەی کە ناوی لێناوە "تورکیای بێ تیرۆر" ڕانەگەیاندووە، میدیایەکی نزیک لە دەسەڵاتی ئەو وڵاتە ئاشکرای کردووە کە ڕەشنووسی یاسایەکی نوێ ئامادە کراوە؛ بەپێی یاساکە، ئەندامانی پارتی کرێکارانی کوردستان (PKK) ئەگەر چەک دابنێن و بگەڕێنەوە بۆ تورکیا، دەتوانن لە هەندێک ئاسانکاریی یاسایی سوودمەند بن، بەڵام لە بەرامبەردا ڕووبەڕووی چەند بەربەست و سنووردارکردنێک دەبنەوە.

هێزەکانی پاراستنی گەل: دەست لە ئامانجی ئازادی ئۆجەلان و گەلی کورد بەرنادەین

ناوەندی ڕاگەیاندن و چاپەمەنی هێزەکانی پاراستنی گەل (هەپەگە) بە بۆنەی ٢٢ـەمین ساڵیادی هەڵمەتی ١ـی حوزەیرانی ٢٠٠٤ـەوە ڕاگەیاندراوێکی بڵاوکردەوە.

بە بۆنەی ١٣ـەمین ساڵۆگەری چالاکیی گەزییەوە داوای ئازادیی زیندانیانی ئەم دۆسیە دەکرێت

بە بۆنەی ١٣ـەمین چالاکیی گەزییەوە، هاوسەرۆکانی گشتیی دەم پارتی تولای حاتەمیمۆغولاریی و تونجەر باکرهان لە دیجیتاڵ میدیای ئێکس ڕاگەیاندراوێکیان بڵاو کردەوە و داوای ئازادیی زیندانیان دەکەن.

تورکیا لە کەرکووک؛ چاوێک لەسەر سیاسەت و چاوەکەی تر لەسەر نەوت

کۆمپانیای حکوومیی نەوتی تورکیا بە واژۆکردنی ڕێککەوتننامەیەکی بەرفراوان لەگەڵ کۆمپانیای بەریتانیی BP، پەرەپێدانی کێڵگە نەوتی و گازییەکانی کەرکووکی خستە سەرووی کارنامەی بەرنامە هاوبەشەکانیانەوە.