بەپێی هەواڵی کوردپرێس، سەعدى ئەحمەد پیرە، وتەبێژى یەکێتى ڕایگەیاند، لە هەموولایەنەکان زیاتر یەکێتى ئیسحقاقى هەڵبژاردنە بۆ وەرگرتنى پۆستى پارێزگارى کەرکووک.

وتەبێژى یەکێتى دەشڵێت: لە هیچ کوێى دنیا دوو کورسى لە شەش کورسى زیاتر نییە، حساب نەکردن بۆ کورسییەکانى یەکێتى هەڵەیەکى گەورەیە.

سەعدی پیرە هۆشداریی دا لەوەى، هەر هەوڵێک بۆ پێکهێنانى حکوومەتى خۆجێی کەرکووک بەبێ یەکێتى خراپە و ئایندەى کەرکووک سەقامگیر ناکات و تێکى دەدات.

دواى حەوت مانگ لە هەڵبژاردنى ئەنجومەنى پارێزگاکان، هێشتا بەهۆى ڕێککەوتنى لایەنەکانەوە حکومەتى خۆجێیی پارێزگاى کەرکووک و دیالە پێک نەهێنراوە.