بەپێی هەواڵی کوردپرێس، ئه‌کره‌م فه‌وزی ته‌رزی له لێدوانێکی رۆژنامه‌وانیدا رایگه‌یاندووه، هۆکاری سه‌ره‌کی ئه‌وه‌ی ئێمه و کوتله عه‌ره‌بیه‌کان به‌شداری دانیشتنه‌که‌ی دوێنێی ئه‌نجومه‌نی پارێزگامان نه‌کرد، بۆ ڕه‌تکردنه‌وه‌ی کورد له ڕێککه‌وتنه سیاسییه‌کانی پێشو و هه‌وڵه‌کانیان بۆ ده‌ستبه‌سه‌رداگرتنی پۆسته ئیدارییه‌کانی پارێزگا و ئه‌نجومه‌ن ده‌گه‌ڕێته‌وه، بۆیه پێویسته هێزه سیاسییه کوردییه‌کان هه‌ڵه‌کانی پێشو دوباره نه‌که‌نه‌وه".
ئاماژه‌ی به‌وه‌شکرد، "رێککه‌وتنی سیاسی نێوان پێکهاته‌کانی کەرکووک دابه‌شکردنی پۆستی جێبه‌جێکردن و یاسادانانی بۆ پارێزگاکه و به‌شداریکردنی هه‌موان به‌گوێره‌ی تایبه‌تمه‌ندی پارێزگاری کەرکووک له‌خۆده‌گرێت".
ئه‌کره‌م فه‌وزی ته‌رزی باسی له‌وه‌شکرد، "کشانه‌وه‌ی تورکمان و عه‌ره‌ب بوه هۆی پێشێلکردنی نیسابی دانیشتنی ئه‌نجومه‌نی پارێزگا و ئه‌نجام نه‌دانی".
دوێنێ دوشه‌ممه ئه‌نجومه‌نی پارێزگای کەرکووک به‌بێ به‌شداریکردنی کوتله عه‌ره‌بی و تورکمانیه‌کان، به‌ئاماده‌بونی نوێنه‌رانی کورد (یه‌کێتی و پارتی) و کۆتای مه‌سیحیه‌کان دانیشتنی خۆی ئه‌نجامدا، به‌هۆی نه‌بونی نیسابی یاساییه‌وه کۆبونه‌وه‌که‌ی دواخست.
عه‌ره‌ب و تورکمان کۆی گشتی ئه‌ندامانی ئه‌نجومه‌ن که ۱۶ کورسی ئه‌نجومه‌نه، هه‌شت کورسیان هه‌یه، یه‌کێتی پێنج کورسی، پارتی دو کورسی، کورسیه‌کیش بۆ پێکهاته‌ی مه‌سیحیه‌کان دیاریکراوه.
Your Comment