وتەبێژ یەکێتیی لە گفتوگۆ لەگەڵ کوردپرێسدا لێکیدەداتەوە؛

هەرێمی کوردستان لە سەروبەندی هەڵبژێرێکی مێژوویی: لە بنبەستی بەغداوە تا دەرفەتە ناوچەییەکان

لە دڵی گۆڕانکارییە جیۆپۆلۆتیکیەکانی ڕۆژهەڵاتی ناوەڕاستدا، هەرێمی کوردستان ڕووبەڕووی بنبەستی پێکهێنانی حکوومەت، کێشەی جیددی لەگەڵ بەغدا و شەپۆلی گۆڕانکاریی خێرا لە تورکیا و سووریا بوتەوە و ئێستا مەحەکێکی چارەنووسسازە بۆ هەڵسەنگاندنی چارەنووسی ئایندەی کورد. گوشارەکانی فیدراڵیسمی بەغدا، دەرفەتە ناوچەییەکان پاش ڕاگەیاندنی هەڵوەشاندنەوەی پەکەکە، هەڵویستی تورکیا، ڕووخانی ئەسەد و گۆڕانکارییەکانی پاش ئەسەد لە سووریا، چەندین پرسیاری هەرە گرنگ دێنێتە ئاراوە: ئایا هەرێمی کوردستان دەتوانێت لەم قەیڕانە سوود وەرگرێت بۆ تۆکمە کردنی دەسەڵاتەکانی خۆی لە دڵی سیستەمی فیدراڵی عێراقدا یان ئەوەی کە لە ململانێی نێوان وڵاتانی ناوچەکە و گۆڕانکارییە جیهانییەکاندا دەخرێتە پەراوێزەوە؟