بەپێی هەواڵی کوردپرێس، لاهوور شێخ جەنگی لە ڕاگەیەندراوێکدا دەڵێت، لە شاری سلێمانی پێشوازیمان کرد لە ستیڤن هیچن باڵێۆزی بەریتانیا لە عێراق، لە دیدارێکدا؛ جەختمان کردەوە لەسەر چڕکردنەوەی هەوڵی هێز و لایەنە سیاسیەکان بۆ کۆتایی هێنان بە کێشە و ناکۆکیە سیاسیەکان لە پێناو خزمەت کردن و دابین کردنی ژیانێکی شایستە و خۆشگوزەران بۆ هاووڵاتیان.
ناوبراو دەشڵێت، لە بەشێکتی تری دیدارەکەدا جەختمان کردەوە لەسەر پێوسیتی و گرنگی ئەنجامدانی هەڵبژاردنی پارلەمانی کوردستان و ڕامانگەیاند کە پێویستە هەڵبژاردن تا کۆتایی ئەمساڵ ئەنجام بدرێت و لەوە زیاتر بە هیچ بەهانە و بیانوویەک دوا نەخرێت و قەوارەی هەرێم نەخرێتە مەترسییەوە.
لاهوور شێخ جەنگی ئاماژەی بەوەش کرد، تێروانینی خۆمان لەبارەی هەموو ئەو کێشە و گرفتانە خستەڕوو کە ئێستا لە ئارادان و بوونەتە بەربەست لەبەردەم پرۆسەی سیاسی و دیموکراسی لە  ناوچەکە.