kurdpress

وەزیری وزەی تورکیا:

ڕۆیشتنی نەوتی عێراق و هەرێمی كوردستان بۆ بەندەری جەیهانی تورکیا بەردەوام دەبێت

وەزیری وزەی تورکیا، ئەلپ ئەرسەلان بەیرەقدار ڕایگەیاند کە تورکیا و عێراق لە ماوەی چەند ڕۆژی داهاتوودا ڕێککەوتننامەیەک سەبارەت بە هێڵی بۆریی نەوتی خاوی نێوانیان واژۆ دەکەن کە قۆناغی ۱۲ مانگی داهاتوو دەگرێتەوە.

ئەردۆغان:

تورکیا بەردەوام دەبێت لە هەوڵەکانی بۆ هاوکاری لەگەڵ هاوپەیمانیی ناتۆ

سەرۆک کۆماری تورکیا  پەیامێکی سەبارەت بە ٣٦ەمین کۆبوونەوەی لوتکەی سەرکردەکانی ناتۆ لە ئەنقەرە بڵاو کردەوە و ئەم کۆبوونەوەیەی بە دەرفەتێک زانی بۆ تاوتوێکردنی بابەتە ئەمنییەکان، بەرگری و گۆڕانکارییەکانی ناوچەکە.

مستەفا قەرەسوو:

عەقڵییەتی ئەمنی ناتوانێت پرسی کورد لە تورکیا چارەسەر بکات

لەسەروبەندی پێشهاتە سیاسییەکانی ناوچەکە و باسی پرۆسەی ئاشتیدا، مستەفا قەرەسوو، ئەندامی کۆنسەی بەڕێوەبەری کەجەکە، لە دیمانەیەکی تایبەتدا لەگەڵ کەناڵی "مەدیا خەبەر تیڤی"، ڕوانگەی تەڤگەری ئازادیی کوردستان (پەکەکە/کەجەکە)ی سەبارەت بە مافەکانی کورد و ئاسۆی چارەسەری لە تورکیا خستەڕوو.

سەرۆکی پەرلەمانی تورکیا: ۸۰%ـی کارەکانی پرۆسەی ئاشتی تەواو بووە

سەرۆکی پەرلەمانی تورکیا رایگەیاند، پرۆسەی ئاشتی نزیکەی ۸۰%ـی کارەکانی تەواو بووە، جەختیشی کردەوە، ئەگەر خواستێک بۆ دانانی چەک لە ئارادا نەبووایە، هەرگیز هەنگاوی وا نەدەنرا، بەتایبەت دوای راگەیاندنی پەیامەکەی ئیمراڵی بۆ کۆتاییهێنان بە چەک و هەڵوەشاندنەوەی رێکخراوەکە.

خۆپیشاندەران لە ئیستەنبووڵ: پێویستە تورکیا دەستبەجێ لە ناتۆ بکشێتەوە

هاوپەیمانیی «نەخێر بۆ ناتۆ» بە ڕێکخستنی ڕێپێوانێکی نەڕەزایەتی لە ئیستەنبووڵ، کۆبوونەوەی لووتکەی ناتۆ لە ئەنقەرە و دەستبەسەرکردنی چالاکوانانی پێش ئەم کۆبوونەوەیەی شەرمەزار کرد و لەگەڵ داواکاریی کشانەوەی دەستبەجێی تورکیا لە ناتۆ، داوای داخستنی سەرجەم بنکەکانی ئەم پەیمانە سەربازییەی لە وڵاتەکەدا کرد.

پەکەکە ژمارەیەک لە بنکەکانی خۆی لە چیای گارە چۆڵ کرد

میدیاکانی تورکیا بڵاویان کردەوە سەربازگەی سیانی و ناوچەی بەهارتیپە لە چیای گارە، نزیک سنووری تورکیا، لەلایەن PKKـەوە چۆڵکرا.

قوباد تاڵەبانی و هاکان فیدان پرۆسەی ئاشتی و پێکهێنانی حکوومەتی هەرێمیان تاوتوێ کرد

قوباد تاڵەبانی لەگەڵ هاکان فیدان، وەزیری دەرەوەی تورکیا کۆ بووەوە و پشتیوانیی هەرێمی کوردستان و یەکێتی بۆ پڕۆسەی ئاشتی لەو تورکیا دووپاتکردەوە، هاوکات ڕایگەیاند کە پێویستە بە زوترین کات حکوومەتی نوێی هەرێم لەسەر بنەمای هاوبەشیی ڕاستەقینە پێکبهێنرێت.

بافڵ تاڵەبانی و سەرۆکی دەزگای هەواڵگریی تورکیا کۆ بوونەوە

ئیبراهیم کاڵن سەرۆکی دەزگای میتی تورکیا لە سلێمانی لەگەڵ بافڵ تاڵەبانی سەرۆکی یەکێتی و قوباد تاڵەبانی جێگری سەرۆک وەزیرانی هەرێم کۆبوەوە.

ئەردۆغان:

مێژووی هەزاران ساڵەی ئێمە پڕییەتی لە دادپەروەری و لێبوردەیی

سەرۆک کۆماری تورکیا دەڵێت "مێژووی هەزاران ساڵەی ئێمە پڕییەتی لە دادپەروەری و لێبوردەیی. بە بێ گرنگیدان بە دین، ڕیشە و ناسنامە، دەستی یارمەتیمان بۆ هەموو ستەملێکراوێک درێژ کردووە".

وەزارەتی ناوخۆی تورکیا:

لە سەرەتای ساڵەوە ١٣٤ ئەندامی پەکەکە خۆیان ڕادەست کردووە

وەزارەتی ناوخۆی تورکیا ڕایگەیاند کە لە سەرەتای ئەمساڵەوە تا ئێستا، ١٣٤ ئەندامی پارتی کرێکارانی کوردستان (پەکەکە) لە دەرئەنجامی ئەو بەرنامانەی پێیان دەوترێت "قەناعەتپێکردن و گەڕاندنەوە" و هەروەها ئۆپراسیۆنی هێزە ئەمنییەکان، خۆیان ڕادەست کردووە. بە وتەی ئەم وەزارەتخانەیە، زۆربەی ئەم کەسانە پاش خۆڕادەستکردن دەستبەسەر کراون.

تەرمی ئەندامێکی پەکەکە پاش ١١ ساڵ ڕادەستی بنەماڵەکەی کرایەوە

تەرمی «بەختیار بۆتان» ئەندامی پەکەکە، کە بە وتەی بنەماڵەکەی لە تێکهەڵچوونەکانی ساڵی ٢٠١٦دا گیانی لەدەستدابوو، پاش ١١ ساڵ ڕادەستی بنەماڵەکەی کرایەوە و لە ڕێوڕەسمێکدا بە ئامادەبوونی کۆمەڵێک لە خەڵک لە شاری وان بە خاک سپێردرا.

یاسا دەبێت گەڕانەوەی ئارەزوومەندانەی ئەندامانی پەکەکە فەراهەم بکات

هاوسەرۆکی دەم پارتی بە جەختکردنەوە لەسەر پێویستیی پەسندکردنی دەستبەجێی پڕۆژەیاسای پرۆسەی ئاشتی، داوای گەرەنتیی یاسایی کرد بۆ گەڕانەوەی ئارەزوومەندانەی ئەو ئەندامانەی پەکەکە کە دەیانەوێت لە چیاکان بگەڕێنەوە.

ئەردۆغان لە کۆبوونەوەی پەرلەمانیی ناتۆ:

پاراستنی ئاسایشی ئەورووپا بەبێ بەشداریی تورکیا مەحاڵە

سەرۆک کۆماری تورکیا جەختی لەوە کردەوە کە جیهان لە لێواری وەرچەرخانێکی جیۆپۆلەتیکیدایە و داوای بەهێزکردنی ناتۆ، لادانی سنووردارکردنەکانی سەر هاوکارییە بەرگرییەکان لەگەڵ تورکیا و بەشداریی تەواوی ئەنقەرەی لە دەستپێشخەرییە ئەمنییەکانی ئەورووپادا کرد.

وەیسی ئاکتاش:

ئەی ژیان، یان بە ئازادی دەتبەمەسەر  یان هەر ناژیم

ئەندامی سکرتاریەتی ئیمرالی وەیسی ئاکتاش، لە "گردبوونەوەی ئازادی" لە شاری ئامەد وتارێکی پێشکەش کرد و ڕایگەیاند کە "ئازادیی جەستەیی ڕێبەر ئاپۆ مەرجی سەرەکیی چارەسەری دیموکراتییە".

عومەر چەلیک: دەبێت پڕۆژەیاسای پرۆسەی ئاشتی لە زووترین کاتدا ببێتە یاسا

وتەبێژی پارتی داد و گەشەپێدان بە ڕاگەیاندنی چوونی پرۆسەی "ئاشتی و کۆمەڵگەی دیموکراتیک" بۆ قۆناغێکی نوێ، جەختی کردەوە کە بۆ ڕەخساندنی زەمینەی یاسایی ئەم پرۆسەیە، دەبێت لە زووترین کاتدا پڕۆژەیاسای ئاشتی بخرێتە کارنامەی پەرلەمانەوە و بگۆڕدرێت بۆ یاسا.

ئەردۆغان: هیچ کەسێک لە تورکیادا هاووڵاتیی پلە دوو نییە

سەرۆککۆماری تورکیا بە ڕاگەیاندنی ئامادەییی حکوومەت و هاوپەیمانیی کۆمار بۆ گەیشتن بە ڕێککەوتن لەسەر پرسە نیشتمانییەکانی وڵاتەکەی، پرۆسەی "تورکیای بێ تیرۆر"ی بە پڕۆژەیەکی سەر بە سەرجەم هاووڵاتیان دانا و جەختی کردەوە کە هیچ هاووڵاتییەک لەم وڵاتەدا بە "میوان"، "بێگانە" یان "هاووڵاتیی پلە دوو" ئەژمار ناکرێت.

گردبوونەوەی نەیارانی ناتۆ لە چەند شارێکی تورکیا؛ لە ناتۆ بچنە دەرەوە

هاوکات لەگەڵ نزیکبوونەوەی بەڕێوەچوونی لووتکەی سەرکردەکانی ناتۆ لە ئەنقەرە، هاوپەیمانیی "نا بۆ ناتۆ" بە سازدانی چەند گردبوونەوەیەک لە ئەنقەرە، ئیستەنبووڵ و ئیزمیر، داوای چوونەدەرەوەی تورکیای لە ناتۆ، داخستنی بنکەکانی ئەو هاوپەیمانێتییە و ئازادکردنی دەستبەسەرکراوان و زیندانیانی دۆسیەکانی ئەم دواییانەی کرد.

ڤیدیۆی پەیامێکی ئۆجەلان لە میتینگی وان بڵاو کرایەوە

لە کاتی بەڕێوەچوونی "میتینگی ئازادی"دا کە بە دەستپێشخەریی پارتی یەکسانی و دیمۆکراسیی گەلان و پارتە کوردییەکانی دیکە لە شاری وان ڕێکخرابوو، بەشێک لە گوتارە کۆنەکانی عەبدوڵا ئۆجەلان نمایش کران و بەشداربووان دوای کۆتاییهاتنی ڤیدیۆکە، بۆ ماوەی چەند خولەکێک دروشمیان لە پێناو پشتگیریکردن لە ئۆجەلان گوتەوە.