بەپێی هەواڵی کوردپرێس، ئایه‌توڵڵا خامنه‌یی ڕێبه‌ری باڵای کۆماری ئیسلامیی ئێران له په‌یامێکدا بڵاویکرده‌وه، "گه‌لی گه‌وره‌ی ئێران، به ئیراده و سه‌رکه‌وتنی خۆی، دوای کاره‌ساتی گه‌وره‌ی له‌ده‌ستدانی ئیبراهیم ره‌ئیسی سه‌رۆک کۆمار و یاوه‌ره‌کانی، توانیان له ماوه‌یه‌کی کورتی یاساییدا هه‌ڵبژاردنی سه‌رۆکایه‌تی ڕێکبخه‌ن و له دوو هه‌ینی یه‌ک له دوای یه‌کدا هه‌ڵبژاردنی ئازاد و دادپه‌روه‌رانه ئه‌نجام بده‌ن و سه‌رۆکێک هه‌ڵبژێرن بۆ وڵات".
ڕێبەری باڵای شۆڕش ئاماژه‌ی به‌وه‌ش کردووه، به‌رپرسانی هه‌ڵبژاردن به خێرایی پێویست و متمانه‌ی ته‌واوه‌وه ئه‌رکی خۆیان جێبه‌جێ کرد و هاوڵاتیانیش به هه‌ستێکی به‌رپرسیارێتی هاتنه مه‌یدانه‌که و دیمه‌نێکی پڕ له جۆش و خرۆشیان خوڵقاند.
ئایەتۆڵڵا خامنەیی باسی له‌وه‌ش کرد: "ئێستا گه‌لی ئێران سه‌رۆکی خۆیان هه‌ڵبژاردوه، پیرۆزبایی له گه‌ل و سه‌رۆکی هه‌ڵبژێردراو و هه‌موو چالاکوانانی ئه‌م دیمه‌نه هه‌ستیاره ده‌که‌م، به‌تایبه‌تی گه‌نجانی به جۆش و خرۆش له باره‌گای هه‌ڵبژاردنی کاندیده‌کان، پێشنیار ده‌که‌م هه‌موو لایه‌ک هاوکارێکی باش بن له پێناو پێشکه‌وتنی میلله‌ت و وڵاتدا، ڕه‌فتاری کێبڕکێکارانه له کاتی هه‌ڵبژاردنه‌کاندا بگۆڕێت بۆ نۆرمه‌کانی دۆستایه‌تی و هه‌مووان هه‌موو هه‌وڵێکیان بۆ خۆشگوزه‌رانی ماددی و ئه‌خلاقی وڵات بخه‌نه‌گه‌ڕ".
ئایه‌توڵڵا خامنه‌یی ڕاشیگەیاند: "پێشنیار ده‌که‌م سه‌رۆکی هه‌ڵبژێردراو چاوی له ئاسۆی دوور و گه‌شاوه بێت، متمانه به خودای میهره‌بان بکات، درێژه به ڕێبازی ئیبراهیم ڕه‌ئیسی بدات، زۆرترین سوود له توانا زۆره‌کانی وڵات وه‌ربگرێت، به‌تایبه‌تی گه‌نجان و شۆڕشگێڕان و سه‌رچاوه مرۆییه دڵسۆزه‌کان، له پێناو خۆشگوزه‌رانی خه‌ڵک و پێشکه‌وتنی وڵات".
Your Comment