ململانێی یەکێتی و پارتی
-
ئاری هەرسین:
کۆبوونەوەی یەکێتی و پارتی دەبێتە هۆی کاراکردنەوەی پەرلەمان و پێکهێنانی کابینەی دەیەم
بەرپرسی لقی چواری پارتی دیموکراتی کوردستان لە سلێمانی، رایگەیاند، دواکەوتنی پێکهێنانی کابینەی نوێی حکوومەتی هەرێمی کوردستان "چرکە بە چرکە زیان بە هەرێمی کوردستان و بەرژەوەندییەکانی خەڵک دەگەیەنێت،" ئەو، کۆبوونەوەی چاوەڕوانکراوی لووتکە بە "هەواڵێکی زۆر خۆش" ناودەبات و پێی وایە دەبێتە هۆی نزیکبوونەوەی زیاتری هەردوولا و کاراکردنەوەی پەرلەمان و پێکهێنانی کابینەی دەیەم.
-
ئایا هەرێمی کوردستان پێویستی بە گرێبەستێکی نوێی کۆمەڵایەتییە؟
گۆڤاری ئامارجی جەخت دەکاتەوە کە تێپەڕاندنی قەیرانە سیاسییەکان تەنها لە ڕێگەی قبووڵکردنی ڕێساکانی دیموکراتی، بەهێزکردنی پەرلەمان و دەرهێنانی سەرچاوەکان و دامەزراوە ئەمنییەکان لەژێر کۆنترۆڵی حیزبەکان ئەگەری هەیە.
-
بنبەستی حوکمرانی لە هەرێمی کوردستان؛ دوو حکوومەت لە دڵی یەک هەرێمدا
دنیا باشول، توێژەر و شرۆڤەکاری پرسەکانی کوردستان، پێکهاتەی سیاسیی هەرێمی کوردستان بە نموونەیەک لە زاڵبوونی پێوەندییە حزبی و عەشیرەیییەکان بەسەر دامەزراوە فەرمییەکاندا دەزانێت. بە بڕوای ئەو، هەرێم دوای ٣٥ ساڵ لە خۆبەڕێوەبەری، هێشتا لە نەبوونی سەروەریی یاسا، دوو جەمسەریی دەسەڵات و لاوازیی دامەزراوە حکومییەکان دەناڵێنێت؛ دۆخێک کە گەشەپێدان، وەبەرهێنان و سەقامگیریی سیاسیی ڕووبەڕووی ئالەنگاری (تەگەرە) کردووەتەوە.
-
دوو جەمسەریی هێز لە هەرێمی کوردستان؛ بەرژەوەندییەکی هاوبەش بۆ واشنتۆن، ئەنقەرە و بەغدا
پشکنین و شیکارییەکانی ماڵپەڕی "نەشناڵ کۆنتێکست" ئاماژە بەوە دەکەن کە بە پێچەوانەی بۆچوونە باوەکانەوە، ئەمریکا، تورکیا و تەنانەت بەغداش، لە بەردەوامیی بوونی دوو چەقی دەسەڵات لە هەرێمی کوردستان ناڕازی نین. لە ڕوانگەی ئەم لایەنە کاریگەرانەوە، ململانێی نێوان پارتی دیموکراتی کوردستان و یەکێتیی نیشتمانیی کوردستان ڕێگرە لەوەی هیچ کامیان ببێتە تاکە بڕیاردەر و یاریزانی سەرەکی لە دۆسیەکانی وەک: پەیوەندی لەگەڵ تورکیا، ڕێڕەوە بازرگانییەکان، پرسه ئەمنییەکان و کەرتی وزەدا؛ ئەم هاوسەنگییەش وای کردووە کە هێزی گفتوگۆ و مانۆڕی هێزە دەرەکییەکان پارێزراو بێت.
-
هۆشداری لە بنبەستی سیاسی هەرێم دەدرێت
کۆمیتەی ناوەندیی حزبی زەحمەتكێشانی كوردستان لەبەیاننامەیەكی هۆشداریدا ڕایدەگەیەنێت، ئەو بنبەستە سیاسییە لە هەرێمی کوردستان، بۆ دابەشکاریی پۆستەکان لەنێوان دوو حزبی دەسەڵاتدار و پێکهێنانی حکوومەت ناگەڕێتەوە، بەڵکوو لەبنچینەدا بۆ شکستی فەلسەفە و ڕوانگەی دەسەڵاتدارێتی و بەسەرچونی شێوازی حوکمڕانی دەگەڕێتەوە.
-
ئاراس تاڵەبانی: هیوادارم حزبەکانی زۆنی سەوز بەدەم پێشنیارەکەی پارتییەوە بچن
ئاراس تاڵەبانی، سەرکردەی پێشووی یەکێتیی نیشتمانیی کوردستان و ئامۆزای بافڵ و قوباد تاڵەبانی، داوا لە "حزبەکانی زۆنی سەوز" دەکات، بەدەم پێشنیارەکەی پارتی دیموکراتی کوردستانەوە بچن.
-
پارتی دیموکراتی کوردستان:
پێویستە گفتوگۆکان لە شەقام و میدیاکانەوە بگوێزرێنەوە سەر مێزی یاسایی
مەکتەبی سیاسیی پارتی دیموکراتی کوردستان، لە ڕاگەیەندراوێکی فەرمیدا داوای لە سەرجەم لایەنە سیاسییەکانی براوەی هەڵبژاردن کرد پەرلەمانی کوردستان کارا بکەنەوە، تاوەکو سەرجەم گفتوگۆ و کێشەکانی تایبەت بە پێکهێنانی کابینەی دەیەمی حکوومەتی هەرێم ببرێنە ناو هۆڵی پەرلەمان.
-
سەرۆکی سەنتەری لێکۆڵینەوەی ستراتیجی:
کابینەی نۆیەم شکستیهێناوه و بوونی هەرێم کەوتوهتە بەر پرسیاری جددی ناوخۆیی و دەرەکییەوە
یووسف گۆران، سەرۆکی سەنتەری لێکۆڵینەوەی ستراتیجی (CFS) رایگهیاند، لەڕووی سیاسیەوە هەرێم هیچ کات لە پاش یەکگرتنەوەی هەردوو ئیدارە لە ساڵی ۲۰۰۶ وەک ئێستا دابەش و جەمسەرگیر نەبووە، ئەو گیانە هاوکاری و هەماهەنگیەی لە دوای ۲۰۰۳ وە لەلایەن مام جەلال و کاک مەسعوود بارزانی هەبوو، ئێستا لەنزمترین ئاستدایە، کابینەی نۆیەم بەئاشکرا شکستی حکوومەتی لەئیدارەدانی کوردستان وەک یەک قەوارەی یەكگرتوو هەروەها مامەڵەی ناوچە جوگرافی و دانیشتوانەكەی بە شێوەیەكی یەكسان و دادپەروەرانە نیشاندا.
-
ململانێ لەسەر دەسەڵات؛ بۆچی حکوومەتی نوێی هەرێمی کوردستان هێشتا پێکنەهێنراوە؟
ناکۆکی لەسەر لێکدانەوەی ئەنجامەکانی هەڵبژاردن، دابەشکردنی دەسەڵات و چۆنیەتی کاراکردنەوەی پەرلەمان، جارێکی دیکە پەیوەندییەکانی نێوان پارتی دیموکراتی کوردستان و یەکێتیی نیشتمانیی کوردستانی بەرەو گرژی بردووە و پێکهێنانی کابینەی دەیەمی هەرێمی خستووەتە دۆخێکی نادیارەوە.
-
هەڵویستی توندی پارتی دیموكراتی كوردستان:
یەکێتیی نیشتمانی ڕێگری لە پێکهێنانی کابینەی دەیەم دەکات
گوتەبێژی پارتی دیموکراتی کوردستان وێڕای تۆمەتبارکردنی یەکێتیی نیشتمانیی کوردستان بە کات کوشتن و ڕێگری لە پێکھێنانی کابینەی دەیەمی حکوومەت، ڕایگەیاند کە یەکێتی دەیەوێت بەبێ گوێدانە ئەنجامەکانی ھەڵبژاردن و ژمارەی کورسییەکان، سیاسەتی خۆسەپێنی پەیڕەو بکات، جەختیشی کردەوە کە پارتی وەک نوێنەری زۆرینەی خەڵک، سازش لەسەر ماف و دەستکەوتەکانی کوردستانییان ناکات.
-
سەرنجی واشنتۆن بۆ سەر قەیرانی سیاسیی هەرێمی کوردستان کەم بوتەوە
هاوکات لەگەڵ بەردەوامیی ناکۆکییە ناوخۆییەکان، نیشانەکان ئاماژە بەوە دەکەن کە ئەمریکا چیتر پێکهێنانی حکوومەتی هەرێمی کوردستانی نەخستووەتە ئەولەویەتی سیاسەتی خۆیەوە و سەرنجی زیاتری لەسەر بەغدایە؛ گۆڕانکارییەک کە بە بڕوای چاودێران، کاریگەریی هەبووە لەسەر بەردەوامبوونی بنبەستی سیاسی لە هەولێریشدا.
-
یەکێتیی نیشتمانی جەخت لە شەراکەتی ڕاستەقینە لە کابینەی دەیەمدا دەکاتەوە
وتەبێژی یەکێتیی نیشتمانیی کوردستان، ڕایگەیاند کە یەکێتی هەرگیز شەڕی لەسەر پلە و پۆست نەکردووە، بەڵکوو مکووڕە لەسەر چەسپاندنی بنەماکانی سازان و شەراکەتی ڕاستەقینە لە کابینەی دەیەمدا.
-
مافناسی کورد:
پێشمەرگە دەبێت ببێتە هێزێکی یەکگرتوو و ناحزبی لەژێر فەرمانی وەزارەتی پێشمەرگەدا
لەتیف شێخ مستەفا، مافناسی کوردی عێراقی، جەخت لەسەر ئەوە دەکاتەوە کە هێشتا دەستووری عێراق پێشمەرگەی وەک هێزێکی بەرگری نەناسیوە و داوای یەکخستنی هێزەکانی پێشمەرگەی دەکات لە چوارچێوەی وەزارەتی پێشمەرگەدا و هەروەها داوا دەکات پێکهاتە چەکدارەکانی سەر بە حزبەکان کۆتایی پێبهێندرێت.
-
هێمن هەورامی:
پێدانی وەزارەتی ناوخۆ بە یەکێتی ئەسڵ و ئەساسی نییە
ئەندامی مەکتەبی سیاسی پارتی دیموکراتی کوردستان دەڵێت، دەنگۆی ئەوەی پارتی دیموکراتی کوردستان رازیبووە وەزارەتی ناوخۆ بدات بە یەکێتی نیشتمانی کوردستان، ئەسڵ و ئەساسی نییە.
-
ئەندامێکی مەکتەبی سیاسیی پارتی:
گەڕانەوە بۆ سەر مێزی گفتوگۆ و کاراکردنەوەی دامەزراوەکان بەرپرسیارێتییەکی مێژووییە
ئەندامێکی مەکتەبی سیاسیی پارتی دیموکراتی کوردستان، وێڕای جەختکردنەوە لەسەر پێویستیی گەڕانەوەی سەرجەم لایەنە سیاسییەکان بۆ سەر مێزی گفتوگۆ، داوا دەکات پەرلەمانی کوردستان کارا بکرێتەوە و کابینەی دەیەمی حکوومەتی هەرێم پێکبهێنرێت.
-
خوێندنەوەیەک بۆ ٣٥ ساڵ ئەزموونی حوکمڕانیی کورد لە عێراق
زانکۆی لەندەن بۆ ئابووری بڵاوی دەکاتەوە دەستکەوتی سەرەکیی ٣٥ ساڵ حوکمرانیی کورد لە عێراق، بەدەستهێنانی ئۆتۆنۆمی نەبووە، بەڵکوو کۆنترۆڵکردنی ناکۆکییە ناوخۆییەکان بووە؛ دەستکەوتێک کە ئێستا بەهۆی بەردەوامیی ململانێ سیاسییەکان و لاوازبوونی دامەزراوەکانەوە، کەوتووەتە ژێر هەڕەشەیەکی ڕژدەوە.
-
کۆبوونەوەی پارتی و یەکێتی شکستی هێنا/ سەرتیپ جەوهەر
لە سایەی بەردەوامیی بنبەستی سیاسیی نێوان پارتی دیموکراتی کوردستان و یەکێتیی نیشتمانیی کوردستان و نەبوونی دامەزراوەی حکومڕانیی یەکگرتوو، هەرێمی کوردستانی عێراق ڕووبەڕووی شەپۆلێکی بێپێشینە لە گوشاری هاوئاهەنگی ناوخۆیی، ناوچەیی و نێودەوڵەتی بووەتەوە بۆ سنووردارکردنی دەسەڵاتەکانی؛ دۆخێک کە بە بڕوای چاودێران، قەوارەی سیاسی و دەستکەوتەکانی چەند دەیەی ڕابردووی ئەم هەرێمەی خستووەتە سەر لێواری تیاچوون.
-
بەهۆی ململانێ سیاسییەکانی پارتی و یەکێتییەوە؛
دەرگای ئەنجومەنی وەزیرانی هەرێمی کوردستان چەند مانگە داخراوە
سەرەڕای تێپەڕبوونی زیاتر لە سێ مانگ بەسەر دوایین کۆبوونەوەی ئەنجومەنی وەزیرانی هەرێمی کوردستاندا، گرژییە سیاسییەکانی نێوان پارتی دیموکراتی کوردستان و یەکێتیی نیشتمانیی کوردستان گەیشتوونەتە قۆناغێک کە پڕۆسەی بەڕێوەبردنی حکوومەت و پێشکەشکردنی خزمەتگوزارییە گشتییەکانی خستووەتە ژێر کاریگەرییەوە.
-
مەرجەکانی پارتی بۆ دەنگدان بە بەربژێری یەکێتی بۆ پۆستی سەرۆک کۆمار ئاشکرا کرا
وردەکاریی کۆبوونەوەکەی هۆشیار زێباری و بافڵ تاڵەبانی ئاشکرا کرا و پارتی چوار مەرجی خستووەتە بەردەم یەکێتی؛ ئەگەر جێبەجێیان بکات، ئەوا لە بەغدا کێشەی بۆ دروست ناکات.
-
یەكێتی و پارتی ڕێگری لە بەرپرسانی یەكدی دەكەن بچنە سنوورەکانیانەوە
لە دوو ڕووداوی هاوشێوەدا، هەریەكە لە یەكێتیی نیشتیمانیی كوردستان و پارتی دیموكراتی كوردستان لە بازگەی سماقولی و بازگەی کۆیە ڕێگریان لە بەرپرسانی یەكدی كرد بچنە سنوورەكانیانەوە.
-
سەنتەری میترۆ بۆ لایەنە سیاسییەکانی هەرێم؛
پێویستە لافاو نەکرێتە بۆنەیەک بۆ دەرخستنی ڕقی سیاسی نێوان لایەنەکان
سەنتەری میترۆ لەبارەی ناکۆکییەکانی لایەنە سیاسییەکانی هەرێمی کوردستان لە لافاوەکەی چەمچەماڵدا ڕایگەیاند: "کارەساتی لافاوەکەی چەمچەماڵ و کەلار و ناوچەکانی تری گەرمیان، بۆنەیەک نیین بۆ دەخستنی ڕقی سیاسی و ململانێی نێوان هێزە سیاسییەکان".
-
ڕاوێژکارێکی بافڵ تاڵهبانی:
ههڕهشهی پارتی بۆ دووبارهکردنهوهی ههڵبژاردن، نالۆژیکییه
ڕاوێژکاری سەرۆکی یەکێتی دەڵێت: ههڕهشهی پارتی بۆ دوبارهکردنهوهی ههڵبژاردنی پهرلهمانی کوردستان، ههڕهشهیهکی نالۆژیکییه و ئهوه ههڕهشهیه له یهکێتی و خهڵکی کوردستان.
-
ئەندامێکی سەرکردایەتیی یەكێتی:
پارتی و یەکێتی لەسەر دابەشكردنی پۆستەكان ناکۆکن
ئەندامێکی سەرکردایەتیی یەكێتی ڕایگەیاند، پێش هەڵبژاردنی پەرلەمانی عێراق كابینەی نوێی حکوومەتی هەرێم پێک ناهێندرێت و لەئێستادا یەكێتی و پارتی ناكۆكن لەسەر پۆستەكانی سەرۆكایەتی هەرێم و وەزیری ناوخۆ