کوردپرێس

مەزڵووم عەبدی فەرماندەی هێزەکانی سووریای دیموکرات لە چاوپێکەوتنێکیدا لەگەڵ تەلەفزیۆنی "ڕووناهی" زانیاریی لەسەر چەند پرسی گرنگ ئاشکرا کرد و وتی:

لەبارەی ڕووخانی بەشار ئەسەد:

-ئاگاداری چۆنیەتیی دەستپێکردنی هێرشی هێزەکانی (HTŞ) بۆ سەر هێزەکانی ڕژێمی شام بووین و داواشمان لێکرا بەشداری بین و بەشداریمان نەکرد.

لە بارەی رێککەوتن لەگەڵ بەرەی شام:

-  لەگەڵ هەیئەی تەحریری شام/ هەتەشە، لەبارەی دێزوور و حەلەب ڕێککەوتنمان هەیە و لەو چوارچێوەیە دێرزوورمان ڕادەستی هەتەشە کرد.

- بەگوێرەی ڕێککەوتنمان لەگەڵ هەتەشە، هەر دوولا شەڕی یەکدی ناکەین.

 - بەگوێرەی ڕێککەوتنمان لەگەڵ هەتەشە، هێزەکانمان لە حەلەب ماون.

 - هەتەشە ئاگاداریکردینەوە هێرش ناکەنە سەر سنوری ئیدارەی خۆسەر.
 
- تورکیا لە هێرشەکەی هەتەشە، ڕووسیای ئاگادارکردبوویەوە

- چاوەڕێی ئەوە نەبووین ڕژێم بەو خێراییە بکەوێت

لە بارەی گفتوگۆوە لەگەڵ دیمەشق: 

- هەوڵی هێورکردنەوەی دۆخەکە دەدەین بەمەبەستی فەراهەمکردنی زەمینەی چوونی شاندێکمان بۆ دیمەشق و گفتوگۆکان بۆ پێکهێنانی شاندەکە بەردەوامن.

-  نامانەوێت ئەزموونی ناکۆکی لایەنەکانی باشوری کوردستان و پەرتەوازییان لە سەردان و گفتوگۆکانیان لەگەڵ بەغداد دووبارە بکەینەوە.

-  لە ناو خۆماندا چ ناکۆکییەکمان هەبێت، نابێت ئەو ناکۆکیانە لە سەردان و دانوستانەکانی دیمەشقدا بوونیان هەبێت و دەبێت پێکەوە و یەک دەنگ و یەک ڕەنگبین لەگەڵ دەرەوەی خۆمان

- پێویستەی باشوری کوردستان سەبارەت یەکخستنی نێوماڵی کوردیی لە ڕۆژئاوا ڕۆڵی ئەرێنی بینێت.

لە بارەی گفتوگۆ لەگەڵ تورکیا:

-  ئامادەی گفتوگۆیین لەگەڵ تورکیا تا بە مەسەلەی ناوچەی ئارامیش دەگات کە تورکیا هەمیشە باسی دەکات.

-  فشارێکی زۆری ئەمریکییەکان و دۆستە بیانییەکانمان لەسەر تورکیا هەیە بۆ ڕاگرتنی هێرشەکان.

-  ئێمە مەترسی نین بۆ سەر ئاساییشی نەتەوەیی تورکیا.

- هێشتا مەترسییەکانی سەر ڕۆژئاوای کوردستان نەڕەوینەتەوە.

- ڕێکەوتن لەسەر مەنبج کراوە و تورکیا پابەندی نەبووە و بڕیارە سبەینێ ئاگربەست و ڕێکەوتنەکە بکەوێتە بواری جێبەجێ کردنەوە.

مەزڵووم عەبدی وتیشی: گەل و هەرێمەکانی خۆسەر لە ئاڵنگاری و هێرشەکان دەپارێزین.

لە بارەی ئاڵای نوێی سووریا:

قبووڵکردنی هەڵ کردنی ئاڵای ئێستای سوریا، لە لای ئێمە شتێکی نوێ نییە، ئێمە پێشتر لە کۆنفڕانسی دامەزراندنی یەپەگە قبووڵمان کردوە. ئاڵاکە هی سەردەمی سەربەخۆیی سووریا و کۆماری سووریایە، نەک کۆماری عەرەبی سووریی.