بەپێی هەواڵی کوردپرێس، مەزڵووم عەبدی فەرماندەی گشتیی هێزەکانی سووریای دیموکرات (SDF) لە پۆستێکی تۆڕی کۆمەڵایەتیی ئێکسدا دەڵێت: "یەکێتیی نیشتمانیی کورد لە سووریا، بووەتە پێویستییەکی مێژوویی و بۆ وەڵامدانەوەی مەترسییەکانی ئەم قۆناخە."

مەزڵووم عەبدی داواشی لە لایەنە کوردییەکان کرد "خۆیان لە بەرژەوەندیی حیزبی بەدووربگرن و بەشێوەیەکی ئەرێنی، بەدەم بانگەوازە میلییەکان بۆ گفتوگۆ و یەکخستنی هەڵوێستەوە بڕۆن."

مەزڵووم عەبدی داوا لە هەموو لایەک دەکات "مامەڵەی ئەرێنییان لەگەڵ هەوڵەکانی ئێستا بۆ بەدیهێنانی یەکێتیی نیشتمانیی کورد هەبێت، بۆ ئەوەی بگەنە هەڵوێستێکی پشتیوانیکار لە گفتوگۆی سووری و بەشداری کردن لە بنیاتنانی داهاتووی سووریایەکی دیموکراتیی فرەڕەنگ."