بەپێی هەواڵی کوردپرێس، عیرفان عه‌لی عه‌بدولعه‌زیز ڕابه‌ری گشتیی بزووتنه‌وه‌ی ئیسلامیی كوردستان بە دنگی ئه‌مریكای ڕایگه‌یاندووە: "تا ئێستا ئاراسته‌ی كاره‌كانی كۆمسیۆن به‌شێوه‌یه‌كی باش به‌ڕێوه‌ده‌ڕوات، به‌ڵام به‌هۆی ئه‌وه‌ی كوردستان په‌یوه‌ندی به ‌عێراقه‌وه‌ هه‌یه‌ و عێراقیش په‌یوه‌ندی به‌و كێشه‌ گه‌وره‌وه‌ هه‌یه‌ كه‌ ماوه‌ی ۱۱ مانگه‌ له‌ ڕۆژهه‌ڵاتی ناوه‌ڕاستدا هه‌یه‌، بۆیه‌ ئه‌گه‌رێكی زۆر هه‌یه‌ كه‌وا ئه‌و كێشه‌یه‌ له‌م چه‌ند ڕۆژه‌ به‌فراوان ببێت و عێراق و سووریا و لوبنانیش بگڕێته‌وه‌".

ڕابه‌ری گشتیی بزووتنه‌وه‌ی ئیسلامی كوردستان وتیشی، "ئه‌و ئاڵۆزییه‌ ئه‌وكاته‌ی عێراق ده‌گرێته‌وه‌ ئه‌وه‌ به‌ دڵنیايیه‌وه‌ له‌ كه‌شێكی ناسالم و ناسازگاردا هه‌ڵبژاردن ناكرێت و دوا ده‌كه‌وێت".