بەپێی هەواڵی کوردپرێس، حزبوڵای لوبنان له ڕاگه‌یه‌ندراوێكدا بڵاویكرده‌وه، "جه‌نابی مامۆستا حه‌سه‌ن نه‌سڕوڵا، مامۆستای به‌رخۆدان، به‌نده‌ی ڕاستگۆ، وه‌ک شه‌هیدێكی گه‌وره، سه‌ركرده‌یه‌كی ئازا و قاره‌مان، باوه‌ڕدارێكی ژیر و تێڕامان و دڵسۆز، په‌یوه‌ندی به كاروانی نه‌مری شه‌هیدانه‌وه كردوه، به‌ره‌و لای په‌روه‌ردگاری و ڕه‌زامه‌ندی خۆی هه‌نگاوی ناوه له كه‌ربه‌لای ڕووناک له سه‌فه‌ری ئیلاهی ئیمان به شوێن پێی پێغه‌مبه‌ران و ئیمامه شه‌هیده‌كاندا ڕۆیشت".
حزبوڵا جه‌ختی كردۆته‌وه، "حه‌سه‌ن نه‌سڕوڵا دوای نزیكه‌ی ۳۰ ساڵ سه‌ركردایه‌تی حزبه‌كه‌یان، كۆتایی به‌ژیانی هات و له‌و ماوه‌یه‌دا له سه‌ركه‌وتنه‌وه بۆ سه‌ركه‌وتن ڕابه‌رایه‌تی كرد، پیرۆزبایی ئاڕاسته‌ی نه‌سڕوڵا ده‌كه‌ین كه خودای گه‌وره به‌رزترین شه‌ره‌فی ئیلاهی و هاوشێوه‌ی ڕێزلێنانی ئیمام حسێنی پێبه‌خشی، كه به‌نرخترین ئاره‌زوه‌كانی و به‌رزترین ئاسته‌كانی ئیمان و باوه‌ڕی پاكه، وه‌ک شه‌هیدێک له‌سه‌ر ڕێگای قودس و فه‌له‌ستین سه‌ره‌خۆشی لێده‌كه‌ین".
ئه‌وه‌شی خستۆته‌ڕوو، "سه‌ركردایه‌تی حزبوڵا به‌ڵێن ده‌دات به به‌رزترین و پیرۆزترین و به‌نرخترین شه‌هید، پڕ له قوربانیدان و شه‌هید، درێژه به جیهاده‌كه‌ی بدات له ڕووبه‌ڕووبوونه‌وه‌ی دوژمن، له پاڵپشتی غه‌ززه و فه‌له‌ستین و له به‌رگری كردن له لوبنان و خۆپاراستن و خه‌ڵكه شه‌ره‌فمه‌نده‌كه‌ی".
حزبوڵای لوبنان باسی له‌وه‌ش كردوه، "ئه‌ركه له‌سه‌ر هه‌موو موسڵمانان شانبه‌شانی گه‌لی لوبنان و حزبوڵا كه شانازی به تواناكانیانه‌وه ده‌كه‌ن، بوه‌ستن و هاوكار بن له ڕووبه‌ڕووبوونه‌وه‌ی ڕژێمی قۆرخكار و ناڕه‌وا و به‌دخوازی".
Your Comment