بەپێی هەواڵی کوردپرێس، به‌یانیی ڕۆژی دووشه‌ممه ئۆتۆمبێلی ئه‌كره‌م ساڵح، به‌رپرسی لقی ۲۲ی پارتی له گه‌رمیان له به‌رده‌م ماڵه‌كه‌ی خۆیدا گڕیگرت و به ته‌واوی سووتا، دواتریش ئه‌كره‌م ساڵح له كۆنگره‌یه‌كی رۆژنامه‌وانیدا ڕایگه‌یاند، ئۆتۆمبێله‌كه‌ی له ڕێگه‌ی بۆمبی لێكێنراوه‌وه ته‌قیوه‌ته‌وه و ئامانجه‌كه‌ش كوشتنی ئه‌و بووه، به‌ڵام چاوه‌ڕوانی لێكۆڵینه‌وه‌كان ده‌كه‌ن كه له‌لایه‌ن هێزه ئه‌منییه‌كانه‌وه ده‌كرێت.
لای خۆیەوە ئەنجومەنی ئاسایشی هەرێمی کوردستان ئێواره‌ی ڕۆژی سێشه‌ممه له ڕاگه‌یه‌ندراوێكدا باسی له‌وه‌كردوه: "پەکەکە لە ڕۆژی ۱۵ی (تەمموز/۷)ی ۲۰۲۴ بەهۆی بۆمبی لکێندراوەوە ئۆتۆمبێلی بەرپرسێکی باڵای حزبی لە شاری کەلار کردە ئامانج، ئەو گرووپە لە ماوەی سێ ساڵی ڕابردوودا چەندین هاوڵاتی و ئەندامانی هێزەکانی بەرگری لە کوردستانیان بە ئامانج گرتووە کە بەشێکیان شەهیدبوون و لە بەشێک لە کارە تێکدەرانەکانیان سەرکەوتوو نەبوون و پووچەڵ کراونەتەوە".
له ڕاگه‌یه‌ندراوه‌كه‌دا هاتووه: "ئەم سەرەڕۆییەی پەکەکە، داهاتووی ناوچەکە دەخاتە بەر مەترسیی هەرێمی و نێودەوڵەتی و کاردانەوەی نەرێنی و نەخوازراو بەدوای خۆیدا دێنێت، بەردەوامی دان بەو کردەوانە بێ‌وەڵام نابێت و سەرکردایەتیی گرووپەکە بەرپرسن لە هەر لێکەوتە و کاردانەوەیەک".
Your Comment