بەپێی هەواڵی کوردپرێس، ئایەتۆڵڵا خامنه‌یی ئه‌مڕۆ یه‌كشه‌ممه له‌میانی وتارێكدا بۆ بنەماڵەی شەهیدانی ئاسایش ڕایگه‌یاند: "دوو شەو له‌مه‌وبه‌ر رژێمی زایۆنی هه‌ڵه‌ی كرد، دەبێت هەڵەی حیساباتیی ڕژێمی زایۆنی تێکبچێت، هەڵەی حیسابکردنیان هەیە بە بەراورد لەگەڵ ئێران، ئێران ناناسن، لاوانی ئێران ناناسن، میللەتی ئێران ناناسن، هێشتا نەیانتوانیوە وەک پێویست لە هێز و توانا و دەستپێشخەری و ئیرادەی نەتەوەی ئێران تێبگەن، دەبێت ئەمەیان بۆ ڕوون بکەینەوە".
ڕێبەری ئێران ئاماژه‌ی به‌وه‌ش كرد: "پێویستە بەرپرسەکانمان دان بە کوالێتی کارەکەدا بنێن و ئەوەی باشترینە بۆ ئەم وڵاتە و ئەم میللەتە بیکەن. زایۆنیستەکان دەبێت بزانن نەتەوەی ئێران کێیە، لاوانی ئێران چۆنن، ئەم بیرکردنەوە، ئەم پاڵنەرە، ئەم ئازایەتییە، ئەم ئامادەکارییە کە ئەمڕۆ لە نەتەوەی ئێراندا هەیە، خۆی بنیاتنەرێکی ئاسایشە، دەبێت ئەمە بهێڵینەوە".
ئایەتۆڵڵا خامنه‌یی باسی له‌وه‌ش كرد، "هەندێک کەس لە شیکاری جۆراوجۆردا بیر لەوە دەکەنەوە کە ئەگەر بمانەوێت وڵات سەلامەت بێت، نابێت بچینە سەر ئامڕازی هەستیارکردنی زلهێزەکان؛ بۆ نموونە چی پێویستە بۆ ئێمە مووشەکێکمان هەبێت کە مەودای دیاریکراوی هەبێت بۆ ئەوەی هەستیاربن، پێیان وایە بەم شێوەیە دەتوانن ئاسایشی وڵات مسۆگەر بکەن، تۆ دەتەوێت وڵات سەلامەت بێت، لاواز بێت، ئامڕازەکانی دەسەڵات بۆ خۆت دابین مەکە، هەندێکیان وا بیردەکەنەوە، بەم شێوەیە حوکم دەدەن، ئەمە هەڵەیە".
ڕێبه‌ری باڵای كۆماری ئیسلامی ئێران ڕوونیشی كرده‌وه، "لە پرسی ئاسایش، پاراستنی ئاسایشی دەروونیی کۆمەڵگا زۆر گرنگە، دروستکردنی ترس و گومان لە دڵی خەڵک، رەتکراوەیە و قورئان لە ئەو بوارەدا ڕاشکاوانە قسەی کردووە، بڕیاردەران سەبارەت بە تۆڕە کۆمەڵایەتییەکان ئەبێ سەرەنج بدەنە پرسی ئاسایشی دەروونیی کۆمەڵگا، بەرپرسان ئەبێ ئاسایشی دەرونی خەڵک بپارێزن".
ئایەتۆڵڵا خامنەیی ئه‌وه‌شی وت: "بەدڵنیاییەوە یەکێک لە سەرەکی ترین پێداویستییەکانی هەر وڵاتێک، ئاسایشە. ئەگەر ئاسایش لە کۆمەڵگادا نەبێت هیچ شتێک نیە. نە ئابووری، نە زانست، نە پێشکەوتن، نە بنەماڵە هەیە".
Your Comment