کوردپرێس

موئمین زەڵمی ڕاوێژکاری وەزیری ڕۆشنبیری و لاوانی هەرێمی کوردستان لە کاردانەوەیەکدا لە کاردانەوەیەکدا بۆ وتەکانی مەریوان وریا قانیع، دەنووسێت: کاک مەریوانی وریا قانیع و هاوڕێکانی زۆر خراپ دەکەن کە خۆیان دەخزێننە ناو بەرەی دژایەتی خەڵکی کوردستانەوە کە هاوسۆز و دڵشکاو و بێتاقەتن بە تیرۆری سەرکردە و کوژرانی ٤٠ هەزار منداڵ و ژنی غەزە بە دەستی ئیسرائیلی منداڵکوژ و بێ مۆراڵ، چوونکە هەر خۆیان چەند ڕۆژێکیتر دڵیان دەشکێت ئەگەر گەنجێک قسەیەکیان بەرامبەر بکات، و ئەوکات پێیانوایە میللەتی کورد سپڵەیە بەرامبەر تێگەشتن و فیکر و دیدگا و دونیابینیان!

شایانی باسە مەریوان وریا قانیع لەبارەی ڕووداوی شەهید بوونی ئیسماعیل هەنییەوە نووسی بووی: ئیسماعل ھەنییە نەک شەھید نییە و ڕێی ناکەوێتە ناو ھیچ بەھەشتێکەەوە، بەڵکوو یەکێکە لە تاوانبارەکانی ئەو جەنگەی دایناگیرساندووە و یەکێکە لەوانەش بەرپرسە بەرامبەر بەو ھەموو ماڵوێرانیی و کوشتن و خوێنڕشتنەی، دروستبووە.

مەریوان وریا قانیع زیادی کردووە: ئەو گوتاری شەھادەتەش کە ھێزە ئیسلامییەکان بەخەستی خستوویانەتە گەڕ و باس لە چونی کوژراوەکان بۆلای خوا و بۆ بەھەشت دەکات، تەنھا یەک دەرەنجامی ھەیە: بێ‌نرخ کردن و گاڵتەکردنێکی کەموێنە بە ژیانی مرۆڤەکان.