ڕێکخراوە و چالاکوانانی مافی مرۆڤ؛

ئەوەی شەرع لە گەڕەکە کوردنشینەکانی حەلەب کردی، که‌متر نییه‌ له‌وه‌ى داعش له‌ شنگال کردى

حکوومەته‌که‌ى شه‌رع، ڕۆژى شه‌شى ئه‌م مانگه‌، هەڵمەتێکی فراوانى سەربازیی دژی هه‌ردوو گەڕەکی شێخ مەقسوود و ئەشرەفییە له ‌شاری حەلەب ئه‌نجامدا، به‌هۆیه‌وه‌ کۆمەڵکوژیی‌ و تاوانی جەنگ‌ و ئاوارەکردنی زۆرەملێی خەڵکی مەدەنی کورد لە ماڵ ‌و حاڵی خۆیان ڕوویاندا، ڕێکخراوه‌کانى مافى مرۆڤ ‌و چالاکوانانیش ده‌ڵێن، "هه‌موو ئه‌وانه‌ى له‌و دوو گه‌ڕه‌که‌ ڕوویانداوه‌، هیچى که‌متر نییه‌ له‌وه‌ى داعش له‌شنگال کردى".