بەپێی هەواڵی کوردپرێس، بارەگای بارزانی لە ڕاگەیەنراوێکدا بڵاویکردەوە، ئەمڕۆ هەینی لە پیرمام مەسعوود بارزانی سەرۆکی پارتی دیموکراتی کوردستان پێشوازیی لە عەلی باقری وەزیری دەرەوەی ئێران بە وەکالەت و شاندێکی یاوەری کرد.
لە کۆبوونەوەکە بارودۆخی سیاسیی ناوچەکە و عێراق تاوتوێ کرا و جەخت لە پەرەپێدانی پەیوەندی و دۆستایەتیی نێوان هەرێمی کوردستان و کۆماری ئیسلامیی ئێران بە تایبەت لەبواری ئابووری و بازرگانی و کولتوری کرایەوە.
هەر لەو دیدارەدا وەزیری دەرەوەی ئێران پێزانینی بۆ هەڵوێستی هەرێمی کوردستان لەمەڕ ڕووداوی کەوتنەخوارەوەی هەلیکۆپتەر و گیانلەدەستدانی سەرۆکۆماری ئێران و یاوەرانی هەبوو.
هەروەها سوپاسی وڵاتەکەی بۆ ناردنی شاندی تایبەتی هەرێمی کوردستان بۆ بەشداریکردن لە پرسەی گیانلەدەستدانی سەرۆککۆماری ئێران و یاوەرانی بە مەسعوود بارزانی گەیاند.
![بارزانی و باقری جەخت لە پەرەپێدانی دۆستایەتی نێوان هەرێم و ئێران دەکەنەوە بارزانی و باقری جەخت لە پەرەپێدانی دۆستایەتی نێوان هەرێم و ئێران دەکەنەوە](https://media.kurdpress.com/d/2024/06/14/3/240561.jpg?ts=1718380670000)
بەشی ئێران- سەرۆکی پارتی دیموکراتی کوردستان لەگەڵ عەلی باقری کۆ بووەوە و جەختیان لە پەرەپێدانی پەیوەندی و دۆستایەتی نێوان هەرێمی کوردستان و کۆماری ئیسلامی ئێران کردەوە.
News Code 223664
Your Comment