بەپێی هەواڵی کوردپرێس، سەلیم پاشا، ڕاوێژکاری فەرمانگەی پەیوەندییەکانی دەرەوەی حکوومەتی هەرێمی کوردستان ڕایگەیاندووە، لیژنەیەک لە وەزارەتی ناوخۆ و فەرمانگەی پەیوەندییەکانی دەرەوەی هەرێم بۆ ئەو مەبەستە پێکهاتووە، ئەو لیژنەیە "دی ئێن ئەی"ەکانیان وەرگرتووە و بردوویانەتە ئیتالیا، پاشان لەلایەن حکوومەتی ئیتالیاوە ئەو ۱۴ تەرمە دۆزرانەوە کە خەڵکی کوردستانن.

ئاماژەی بەوەش کرد،کاتژمێر ۳:۰۰ بە کاتی ئیتالیا کە دەکاتە ۴:۰۰ بە کاتی هەرێمی کوردستان تەرمەکان بەرەو هەولێر بەڕێدەکرێن.

بەپێی زانیارییە سەرەتاییەکان ناوی کۆچبەرەکان بریتین لە:

۱- موبین عەلی پوور

۲- حەدیس میرزایی

۳- خونچە مەلا نەبی

۴- میلان حاجی خدر

۵- نیلام هاوکار موسا

۶- حەمە ئارام عەبدوڵڵا

۷- پێشەوا دەروێشی

۸- پژمان نەزمارا

۹- ماتان نەجەفی

۱۰- هەژار مەولود ئەحمەد

۱۱- هێرۆ عومەر

۱۲- عومەر دەرباز

۱۳- ئاراز عومەر

۱۴- میروان قادر ئەحمەد

ئەمەش لە کاتێکدایە، ڕۆژى ۱۷ى حوزەیران، بەلەمێک بە زیاتر لە ۷۰ کۆچبەرەوە کە زۆرینەیان کورد بوون، لە کەناراوەکانى کالابریا لە ئیتالیا ژێرئاوکەوت و تەنیا ۱۰ کۆچبەریان ڕزگارکران و تەرمى ۴۳ کۆچبەریان دۆزرانەوە.