بەپێی هەواڵی کوردپرێس، سەرچاوەیەکی تایبەت بە نۆرس پرێسی راگەیاندووە، هێزەکانی تورکیا ۱۶۰ کەسیان دیپۆرت کردۆتەوە بۆ گردی سپی لە پارێزگەی رەقە لە باکووری سووریا، لەنێویاندا چالاکوانێکی میدیایی بە ناوی "عەبدولرەحمان عیسا" هەیە، کە لە مانگی تشرینی دووەمی ساڵی رابردووەوە لە گرتووکخانەکانی تورکیا راگیراوە.
بەپێی چەندین ناوەندی بەڵگەکردنی پێشێلکاریەکان لە باکووری سووریا، لەماوی چەند مانگی رابردوودا، تورکیا لە ژێر ناوی "گەرانەوەی خۆبەخشانە" دیپۆرت‌کردنەوەی زۆرەملێی سوورییەکانیان چرتر کردووەتەوە.
هەروەها هەینی، ۱۴ی تەمموز، تورکیا ۲۲ هاووڵاتی سووریی لە دەروازەی باب هەواوە دیپۆرتی خاکی سووریا کرد، پێش ئەوەش لە ۱۲ی تەمموز لە رێگەی دەروازەی سەرێ کانییەوە ۴۷ کەسی دیکە دیپۆرتی سووریا کران.
Your Comment