پێویستە ڕێکخراوە نێودەوڵەتییەکان چاودێریی هەڵبژاردنی کوردستانی سووریا بکەن

بەشی سووریا- کۆمسیۆنی باڵای هەڵبژاردنەکان لە باکووری ڕۆژهەڵاتی سووریا داوای لەڕێکخراوە نێودەوڵەتییەکان کردووە بەشداریی بکەن لە چاودێری کردنی هەڵبژاردنی شارەوانییەکان لە ناوچەکانی ئیدارەی خۆسەر.

بەپێی هەواڵی کوردپرێس، کۆمسیۆنی باڵای هەڵبژاردنەکان لە باکووری ڕۆژهەڵاتی سووریا لە بەیاننامەیەکدا ڕایگەیاندووە، "داوا لە ڕێکخراوە حکوومیی‌ و ناحکوومییە نێودەوڵەتییەکان دەکەین چاودێریی بەڕێوەچوونی پڕۆسەی هەڵبژاردنەکان بکەن کە لەلایەن کۆمسیۆنی باڵای هەڵبژاردنەکانەوە سەرپەرشتی دەکرێت لەناوچەکانی باکوور و ڕۆژهەڵاتی سووریا".

پێشتر ئیدارەی خۆسەر ڕایگەیاندبوو، داواکارییەکانی چاودێرانی ناوخۆیی ‌و نێودەوڵەتی‌ و بریکارەکانی پارتە سیاسییەکان قبووڵ دەکەن بۆ بەدواداچوون بۆ بەڕێوەبردنی هەڵبژاردنی شارەوانییەکان کە بڕیارە لە 11ی حوزەیران بەڕێوەبچێت.

بەگوێره‌ى بەیاننامەکە، کۆمسیۆن ڕایگەیاندووە، بانگهێشتنامەکەی بەهۆی سووربوونیەتی لەسەر سەرکەوتنی پرۆسەی هەڵبژاردن ‌و تەرخان کردنی هەوڵەکانی بۆ پاراستنی پاکی ‌و بێگەردی ‌و شەفافیەتی هەڵبژاردنەکان.

چاودێریکردنی هەڵبژاردنە لەڕێگه‌ی چاودێریکردنی  چۆنێتیی بەڕێوەچوونی پرۆسەی هەڵبژاردن ‌و چاودێری کردنی کردنەوەی بنکەکانی دەنگدان ‌و دڵنیابوون لە ئامادەکارییەکانیان ‌و چاودێری‌کردنی پرۆسەی ژماردنەوەی دەنگەکان‌ و دڵنیابوون لەوردبینییان ئەنجام دەدرێت.

News Code 223549

Tags

Your Comment

You are replying to: .
captcha