بەپێی هەواڵی کوردپرێس، دادگای فیدڕاڵی له‌دانیشتنی ئه‌مڕۆ 21ی 5ی 2024یدا سه‌باره‌ت به سکاڵای مه‌سروور بارزانی بڕیاریدا، به‌ره‌تکردنه‌وه‌ی سکاڵاکه که تایبه‌ت به دابه‌شکردنی کورسیه‌کانی په‌رله‌مانی کوردستان له‌سه‌ر کۆمسیۆنی باڵای سه‌ربه‌خۆی هه‌ڵبژاردنه‌کانی عێراق تۆماریکردبوو.
دادگای فیدڕاڵی، هۆکاری ڕه‌تکردنه‌وه‌ی سکاڵاکه‌ی مه‌سروور بارزانی په‌یوه‌ست کردووه به‌وه‌ی دەستەی دادوەری هەڵبژاردنه‌کان ئەو پرسەی یەکلاکردوەتەوە.
مه‌سروور بارزانی له سکاڵاکه‌یدا داوای هه‌ڵوه‌شاندنه‌وه‌ی بڕیاری دابه‌شکردنی 100 کورسیی په‌رله‌مانی کوردستانی به‌سه‌ر پارێزگاکان و هه‌روه‌ها پێداچوونه‌وه به هه‌ڵوه‌شاندنه‌وه‌ی 11 کورسییه‌که‌ی کۆتای پێکهاته‌کان کردبوو.
Your Comment