بەپێی هەواڵی کوردپرێس، بەشێک لە پەیامەکەی ئایەتۆڵڵا خامنەیی بەمشێوەیە:
بسم الله الرّحمن الرّحیم
انا لله و انا الیه راجعون
بە پەژارە و خەمەوە هەواڵی تاڵی کۆچی دوایی چەشنی شەهادەتی سەرۆک کۆماری ڕەنجدەر حوجەتولئیسلام ئیبراهیم ڕەئیسی و یاوەرانی بەڕێزی ئەوانم پێگەیشت.
ئەم ڕووداوە دڵتەزێنە لە کاتێکدا ڕوویدا کە خەریکی خزمەت بوون. هەموو تەمەنی بەرپرسیارێتیی ئەم ئینسانە بەڕێزە چ لە سەردەمی کورتی سەرۆک کۆماریدا و چ پێش ئەوەیش، بۆ خزمەتی خەڵک تەرخان کرا.
ڕەئیسی ئازیز ماندووبوونی نەدەناسی لەم ڕووداوە تاڵەدا میللەتی ئێران خزمەتگوزارێکی دۆست و دڵسۆزی خۆی لەدەست دا.
لەم ڕووداوەدا چەند کەسێکی دیاری دیکە لەوان حوجەتولئیسلام ئال هاشم پێشنوێژی هەینی تەبرێز، جەنابی حسێن ئەمیر عەبدوڵڵاهیان وەزیری دەرەوە و جەنابی مالیک ڕەحمەتی پارێزگاری ئازەربایجانی ڕۆژهەڵات و یاوەرەکانیان کۆچی دواییان کرد.
لایخۆمەوە پێنج ڕۆژ ماتەمینی گشتی ڕادەگەیەنم و سەرخۆشی لە میللەتی ئازیزی ئێران دەکەم، جەنابی ئاغای موخبێر بە گوێرەی دەقی مادەی 131ی دەستووری وڵات بەرپرسیارێتی دەسەڵاتی موجرییەی وڵات بەدەستەوە دەگرێت و پێویستە لەگەڵ دوو سەرکایەتییەکەی دیکە تا 50 ڕۆژ کاروباری هەڵبژاردنی سەرۆک کۆماری نوێ ڕێکبخەن.
Your Comment