کوردپرێس: بەپێی سەرچاوەیەکی ئاگادار کە قسەی بۆ نێکست پرێس کردووە، ئەگەر دواخستنی ھەڵبژاردن بە فەرمی ڕابگەیەندرێت و جارێکی دیکە لەلایەن سەرۆکایەتی ھەرێمەوە وادەیەکی نوێ بۆ ئەنجامدانی ھەڵبژاردن دیاری بکرێت و سەر لەنوێ کۆمسیۆن ناوی قەوارە و بەربژێرەکان وەربگرێتەوە، ئەوا ئەمجارە بزاڤێکی ئێکجار بەھێزی نوێ لە سەرتاسەری هەرێمی کوردستان ڕادەگەیەندرێت.

ئەو سەرچاوەیە ئاماژەی بۆ ئەوەش کرد، ئەو لیستە نوێیە بەھێزە ئەدھەم بارزانی سیاسەتمەداری کورد و چەندین کەسایەتی پایەبەرزی هەرێمی ڕابەرایەتی دەکەن و چاوەڕێ دەکرێت لە گشت سنوورەکان و ھەموو پارێزگاکان دەنگی پێویست و باش بەدەست بھێنێت.

سەرچاوەکە ئەوەشی ئاشکراکرد، ھەموو ئامادەکارییەک  دەکرێت بۆ ئەوەی لە ئەگەری وەرگرتنی قەوارەی نوێ و کاندیدەکان لیستە نوێکەی ئەدھەم بارزانی و ھەڤاڵەکانی ڕاستەوخۆ ناوی کاندیدەکانی پێشکەش بە کۆمسیۆن بکەن.