بەپێی هەواڵی کوردپرێس، ئاژانسی رۆیتەرز بڵاوی کردەوە، چاوپێکەوتن لەگەڵ ٢٠ کەسانی کورد و سیاسەتمەدار دەریدەخات کە گومانەکان لە هیواکانی پرۆسەی ئاشتی لە تورکیا  زیاترن، ئەمەش لە کاتێکدایە کە سەرکوت کردنی پارتە ئۆپۆزسیۆنەکان و دەستگیرکردنی لەناکاوی ئەکرەم ئیمامئۆغڵو گەورەترین ناڕەزایەتی لە ماوەی زیاتر لە ۱۰ ساڵدا لێکەوتەوە.

جەنگیز چاندار پەرلەمانتاری تورکیا لە فراکسیۆنی دەم پارتی کە لە سەرەتای ساڵانی نەوەدەکانەوە لە نزیکەوە پەیوەندی بە پرسی کوردەوە هەیە، ئەو کاتەی هەوڵە سەرەتاییەکانی ئاشتی شکستی هێنا، دەڵێت: "ئێمە دەچینە ناو کێڵگەیێکی مین. دەشڵێت لە شەمەندەفەرەکە دەربچێت و بە شکست کۆتایی پێبهێنێت. ئەوە ڕەنگە ڕووبدات".

ئەو پارتە سێ دیداری لەگەڵ ئۆجەلان لە زیندانەکەی لە دوورگەی ئیمرالی باشووری ئیستەنبووڵ ئەنجام دا کە لە دوای دەستگیرکردنی لە ساڵی ١٩٩٩ەوە لەوێ ڕاگیراوە، بەڵام دەڵێت ئەنقەرە هیچ نەخشەڕێگایێکی بۆ چاکسازی بۆیان دابین نەکردووە.

سەرۆکایەتی تورکیا وەڵامی داواکارییێکی بۆ لێدوان لەسەر ئەو پرسانەی لەم ڕاپۆرتەدا نەدایەوە و بەرپرسانی پارتی داد و گەشەپێدان ئاکەپەی دەسەڵاتدار دەڵێن تاوتوێ کردنی پرۆسەی ئاشتی پەیوەستە بە سەرۆککۆمارەوە هەیە.

ئەردۆغان دوای بانگەوازەکەی ئۆجەلان بۆ ئاشتی گوتی:  دیموکراسی لە سیاسەتدا بە شێوەیێکی سروشتی دوای داماڵینی چەک فراوانتر دەبێت.