کاتێک کە وشەی قەدەغەکراوی "کوردستان"م لە سەردێڕێکی هەواڵ لە تورکیا بینی*

ساڵانێکی زۆرە چاودێریی هەواڵەکانی تورکیا دەکەم. هەزاران سەردێڕم خوێندووەتەوە؛ لە ئۆپەراسیۆنە سەربازییەکان و هەڵبژاردنەکانەوە بگرە تا دەگاتە قەیرانە سیاسییەکان و دانوستانەکانی ئاشتی. بەڵام بەرەبەیانی ئەمڕۆ کاتێک چاوم بە هەواڵەکاندا دەخشاند، سەردێڕێک بۆ چەند چرکەیەک ڕایگرتم: "ئاگادارکردنەوە لە گواستنەوەی خۆڵبارین لە کوردستان". نەک لەبەر خۆڵبارینەکە؛ بەڵکوو لەبەر ئەو وشەیەی کە ساڵانێکی زۆر، بوونی لە فەزای فەرمی و میدیایی تورکیادا تابۆ (قەدەغە) بوو: "کوردستان".