کوردپرێس: بەپێی راگەیێندراوێک کە حکوومەتی هەرێمی کوردستان بڵاوی کردووەتەوە؛ مەسروور بارزانی، سەرۆکی حکوومەتی هەرێمی کوردستان و مایکڵ واڵتز، ڕاوێژکاری ئاسایشی نیشتمانیی ئەمریکا گفتوگۆیان لەبارەی پەرەپێدانی زیاتری پەیوەندییەکانی هەرێمی کوردستان و عێراق لەگەڵ ئەمریکا کرد.

حکوومەتی هەرێمی کوردستان دەڵێت، هەردوولا هاوڕا بوون لەسەر پێویستیی پێکهێنانی کابینەی نوێی حکوومەتی هەرێمی کوردستان "لە زووترین کاتدا". هەروەها دووپاتیان کردووەتەوە، "پێویستە لە نزیکترین کاتدا، هەناردەکردنەوەی نەوتی هەرێمی کوردستان دەستپێبکاتەوە".

لە بەشێکی دیکەی پەیوەندییە تەلەفۆنییەکەدا، پێشهات و گۆڕانکارییە خێراکانی رۆژهەڵاتی نێوەڕاست و گرنگیی پاراستنی سەقامگیریی ناوچەکە تاوتوێ کراوە.