بەپێی هەواڵی کوردپرێس، هێزەکانی ڕزگارکردنی عەفرین (HRE) لە گوندەکانی شوارغە و مالیکی سەر بە شارۆچکەی شەرا، ڕووبەڕووی گرووپە چەکدارەکانی سەر بە تورکیا بوونەوە.

بە پێی زانیارییەکان، دوای ئەوەی گرووپە چەکدارەکان پەلاماری گوندەکانیان دا، شەڕڤانانی هێزەکانی ڕزگارکردنی عەفرین ڕووبەڕوویان بوونەوە و شەڕ  پێکدادانی سەخت لە نێوانیاندا دەستی پێکرد.

هەر لەو چوارچێوەیەشدا گرووپە چەکدارەکانی سەر بە تورکیا شەش گوندی سەر بە شەرایان تۆپباران کرد، بەڵام تا ئێستا هیچ زیانێک لە ئاکامی ئەو پەلامارانە ڕانەگەیەندراوە.