بەپێی هەواڵی کوردپرێس، ماتیۆ میلەر، وتەبێژى وەزارەتى دەرەوەى ئەمریکا لە تۆڕى "ئێکس" ڕایگەیاند، بەگوێرەى ئەو هەڵسەنگاندنەى کە لەلایەن بەرپرسانى ئەمریکا ئەنجام دراوە، تاوەکوو ئێستا مەرجى ئەنجامدانى هەڵبژاردنێکى بێگەرد و ئازاد لە سووریا و ناوچەکانى بەڕێوەبەرێتى خۆسەر بەدینەکراوە.
میلەر ئاماژەى بەوەش کرد، هەر هەڵبژاردنێک لە سووریا ئەنجام بدرێت دەبێت بەگوێرەى بڕیارى ژمارە ۲۲۵۴ـى ئەنجوومەنى ئاسایشى نێودەوڵەتى بێت.
لە ناوچەکانى باکوور و رۆژهەڵاتى سووریا تاوەکوو ئێستا سێ جار هەڵبژاردنى شارەوانییەکان دواخراوە و هیچ وادەیەک بۆ ئەنجامدانى هەڵبژاردنەکان دیاری نەکراوە.
یەکەم وادە بڕیار بوو لە ۳۰ـی ئایارى ۲۰۲۴، هەڵبژاردن ئەنجام بدرێت بەڵام بۆ ۱۱ـی حوزەیران دواخرا و دواتریش بۆ مانگى ئاب دواخرا، بەڵام لەهیچ کام لەو وادانە ئەنجام نەدرا و تاوەکوو ئێستا چارەنووسى هەڵبژاردنەکان بە نادیاریى ماوەتەوە.
Your Comment