بەپێی هەواڵی کوردپرێس، ڤلادیمیر پووتین سەرۆکی ڕووسیا ڕایگەیاند: ئیبراهیم ڕەئیسی سەرۆک کۆماری ئێران بەشدارییەکی به‌هێزی لە پەیوەندییەکانی ڕووسیا و ئێراندا کردووه‌.

لایخۆیه‌وه‌ سێرگی لاڤرۆڤ، وەزیری دەرەوەی ڕووسیا ڕایگەیاند، "بە گیانله‌ده‌ستدانی سەرۆک کۆماری ئێران و وەزیری دەرەوەی ئێران ڕووسیا دوو دۆستی ڕاستەقینەی لەدەستدا".

ئه‌وه‌شی خسته‌ڕوو، ڕۆڵی ئەوان لە پتەوکردنی هاوکارییەکانی ڕووسیا و ئێران کە قازانجی هاوبەش و هاوبەشییەک کە لەسەر بنەمای متمانە دامەزرێت، زۆر به‌ به‌هایه‌، ناوبراو لە درێژەی قسەکانیدا وتی: "پرسە و سەرەخۆشیی قووڵی خۆمان ئاڕاستەی بنەماڵە و دۆستانی قوربانییەکان و هەروەها هەموو گەلی دۆستی ئێران دەکەین، دڵمان لەم کاتە خەمناکەدا لەگەڵتاندایە".

هه‌روه‌ها باڵوێزخانەی ڕووسیا لە تاران، لە بەیاننامەیەکدا سەرەخۆشی مۆسکۆی بە بۆنەی شەهید بوونی ئیبراهیم ڕەئیسی، سەرۆک کۆماری ئێران دەربڕی.