بەپێی هەواڵی کوردپرێس، ناوەندی ئاشتەوایی سووریا و ڕووسیا ڕایگەیاند، هێزەکانی ڕووسیا بە هاوکاریی هێزەکانی حکوومەتی ناوەندیی سووریا بنکەیەکی سەربازییان لە کۆبانی لە گوندەواری ڕۆژهەڵاتی حەلەب دامەزراندوە.
عەقید ئۆلێگ ئیگناسیک جێگری بەڕێوەبەری ناوەندی ئاشتەوایی ڕووسیا لە بەیاننامەیەکدا ڕایگەیاند: "هێزە چەکدارەکانی فیدراسیۆنی ڕووسیا و کۆماری عەرەبیی سووریا، دامەزراندنی بنکەی کۆبانییان لە ناوچەی نزیک سنووری سووریا و تورکیا تەواوکردوە".
ئاژانسی هەواڵی تاس-ی ڕووسی ڕایگەیاندووە، مەبەست لە بنکە سەربازییەکە "چاودێری کردنی سیستەمی ڕاگرتنی کردەوە جەنگییەکانی نێوان لایەنە ناکۆکەکانە".
Your Comment