بەپێی هەواڵی کوردپرێس، ڕۆژی هەینی ۳ی ئایاری ۲۰۲۴، کۆمپانیای دانە غاز ڕایگەیاند: "بەرهەمهێنانی غاز لە کێڵگەکەدا ئاسایی بووەتەوە و بەرهەمهێنانی غاز گەیشتووەتەوە ۵۰۰ ملیۆن پێ سێ جا، کە هەمان ئاستی پێش هێرشەکەی سەر کۆرمۆرە".

شایانی باسە ئێوارەی ڕۆژی هەینی ۲۶ی نیسانی ۲۰۲۴ لەڕێگەی فڕۆکەی بێفڕۆکەوانەوە هێرشکرایە سەر کێڵگەی ‌غازی کۆرۆمۆر لە قەزای چەمچەماڵ لە سنووری پارێزگای سلێمانی، لە ئەنجامی ‌هێرشەکە ۴ کرێکار گیانیان لەدەستدا و ۲ کەسی دیکەش برینداربوون، هەروەها زیانێکی مادی زۆریشی لێکەوتەوە و کاریگەری لەسەر بەرهەمهێنانی کارەبا کرد و بووە هۆی کەمبوونەوەی بەرهەمهێنانی کارەبای هەرێمی کوردستان.