بەپێی هەواڵی کوردپرێس، ئاژانسی فەرمیی تورکیا ئەمڕۆ چوارشەممە، ۲۷ـی ئەیلوولی ۲۰۲۳، بە پشتبەستن بە سەرچاوە ئەمنییەکانی وڵاتەکەی بڵاوی کردەوە، مەزڵووم ئۆزتورک لەلایەن پەکەکەوە بۆ ئەنجامدانی هێرش و چالاکیی چەکداری لە تورکیا راهێنانی پێکرابوو، بەڵام لە ئەنجامی ئۆپەراسیۆنێکی میتدا کە لە ناوچەیەکی دەرەوەی سلێمانی ئەنجامدرا، کوژرا.

بەگوێرەی هەمان سەرچاوە، مەزڵووم ئۆزتورک لە ئابی ۲۰۲۲ لە تورکیاوە چووەتە ئەورووپا و لەوێ چووەتە نێو ریزەکانی پارتی کرێکارانی کوردستان و کۆماجڤاکێن کوردستان.

ئاماژە بەوەش کراوە، لە کانوونی دووەمی ساڵی ۲۰۲۳ لە فەرەنساوە پەیوەندی بە کادیرانی پەکەکەوە کردووە و دواتر چووەتە کوردستانی سووریا و هەرێمی کوردستان لە عێراق.