ئەپیکور بە مەرج ئامادەیە هەناردەی نەوتی هەرێم دەستپێبکاتەوە

کۆمەڵەی پیشەسازیی نەوتی کوردستان (ئەپیکور) ڕایگەیاند: کۆمپانیا ئەندامەکانی "خۆشحاڵن" بەوەی گفتوگۆکانی نێوان بەغدا و هەولێر بۆ گەیشتن بە ڕێککەوتن، ئەپیکور  دەشڵێت ئامادەین 'دەستبەجێ' هەناردەکردنی نەوتی هەرێمی کوردستان دەستپێبکەینەوە، بەڵام مەرجیان ئەوەیە کە ڕێککەوتنێکی نووسراو هەبێت بۆ دڵنیاییدان لە وەرگرتنی شایستە داراییەکانیان و رێزگرتن لە گرێبەستە یاساییەکانیان.

بۆ پشگیری کردنیان لە چارەسەریی سیاسی لە سووریا؛ ئیلهام ئەحمەد سوپاسی ئەمریکا و فەرەنسا دەکات

ئیلهام ئەحمەد هاوسەرۆکی فەرمانگەی پەیوەندیییەکانی ئیدارەی خۆبەڕێوەبەری  وێڕای  دەریڕینی پێزانینی خۆی لە پاڵپشتیەکانی ئەمریکا و فەڕەنسا لە چارەسەری سیاسی لە سوریە، نیگەرانی خۆی سەبارەت بە پەرەسەندنی گوتاری شەڕئەنگیزانە و تۆمەتبار کردنی لایەنی بەرامبەر لەلایەن بەرپرسە فەرمیەکانی سووریاوە دەربڕیوە  و جەختی لە سەر گفتوگۆی نێوان لایەنەکانی سووریا کردەوە.

پارتی و یەکێتی ڕاگەیێندراوێکی هاوبەشیان بڵاو کردەوە

کۆبوونەوەی هەردوو مەکتەبی سیاسیی پارتی دیموکراتی کوردستان و یەکێتیی نیشتمانی کوردستان، بە ئامادەبوونی مەسعوود بارزانی سەرۆکی پارتی دیموکرات و بافڵ تاڵەبانی سەرۆکی یەکێتیی نیشتمانیی کوردستان لە پیرمام کۆتایی هات و ڕاگەیەندراوێکی هاوبەشیان بڵاو کردەوە و دەڵێن: هەردوولا هاوڕابوونن هەموو هەوڵەکان چڕ بکرێنەوە بۆ چارەسەری کێشە و دابین کردنی مووچە شایستە داراییەکانی هەرێمی کوردستان و تەواوی ئەو هەنگاوانەی پێویستن لە چوارچێوەی دەستووردا بە ئاراستەی چارەسەرکردن بەهەماهەنگی هەردوولا بهاوێژرێن.