بەپێی هەواڵی کوردپرێس، محەمەد حاجی مەحموود، لە رێوڕەسمی ساڵیادی شەهید بوونی قاسم سولەیمانی لە شاری هەولێر، وتەیەكی پێشكەش كرد و وتی: هەر لە سەرەتاوە سەركەوتنی شۆڕشی كۆماری ئیسلامی ئێران "نه‌فه‌سێكی گه‌وره" بوو بۆ خه‌ڵكی كوردستان.
محەمەد حاجی مەحموود وتیشی: "حاجی قاسم توانی سه‌رپه‌رشتی لوبنان، سووریا، فه‌له‌ستین، یه‌مه‌ن، عێراق، بۆسنه و به‌شێكی ئه‌فغانستان بكات و هه‌مووی له‌گه‌ڵ كۆماری ئیسلامی كۆ بكاته‌وه."
محەمەد حاجی مەحموود ڕاشیگەیاند: "قاسم سوله‌یمانی ته‌نیا په‌یوه‌ندی له‌گه‌ڵ وڵاتان نه‌بوو، به‌ڵكوو په‌یوه‌ندی له‌گه‌ڵ كه‌سایه‌تییه‌كانیشدا هه‌بوو، هه‌موو وڵاتانی دنیا ده‌گه‌ڕا به‌بێ ئه‌وه‌ی حكوومه‌ته‌كان بزانن."
ئاماژەی بەوەشدا، به‌درێژایی شه‌ڕی سێ ساڵ و نیوی داعش، "حاجی قاسم هاوكارمان بوو. له‌هه‌ر جێیه‌كدا شه‌ڕ ڕوویدابێت، له‌گه‌ڵ هێزه‌كه‌یدا له‌وێ ئاماده‌بوو."
سەرۆكی پارتی سۆسیال دیموكراتی كوردستان زیادی کرد: "قاسم سوله‌یمانی نه‌بوایه، 2015 دیمه‌شق و به‌غداش ده‌گیران، چوونكه هێزه‌كانی داعش گه‌یشتنه ئه‌بووغرێب و نزیكی كه‌ربه‌لا و گه‌یشتنه په‌نای دیمه‌شق. ده‌ركه‌وت نه‌بوونی ئه‌و چ بۆشاییه‌كی دروست كرد له ڕۆژهه‌ڵاتی ناوه‌ڕاست."
ناوبراو هەروەها وتیشی: "ئه‌و به‌غدایه‌ی قاسم سوله‌یمانی به‌رگری لێكرد، نه‌یانتوانی میوانه‌كه‌یان بپارێزن و له به‌غدا شه‌هیدبوو، بۆیه پێمانوایه خه‌ڵكی عێراق زۆر قه‌رزاری حاجی قاسمه، چوونكە ئەو نەبوایە بەغدا دەگیرا لەلایەن داعشەوە".
Your Comment