بەپێی هەواڵی کوردپرێس، شانەی ڕاگەیاندنی ئەمنی عێراق، ئه‌مڕۆ سێشه‌ممه‌ ١٥ی تشرینی یەکەمی ٢٠٢٤ به‌یاننامه‌یه‌کی بڵاوکرده‌وه‌ و تێیدا هاتووه: "بە هاوکاری هێزی ئاسمانی عێراق و بە فڕۆکەی ئێف ١٦ مۆڵگه‌یه‌کی چەکدارانی داعش له‌ سنووری ناحیه‌ی له‌یلانی سه‌ر به‌ پارێزگای که‌رکووک بۆردوومان کراوە".

ئاماژەی بەوەشکردووە، به‌هۆی ئه‌و بۆردوومانه‌وه‌ چوار چه‌کداری داعش کوژران، هەروەها ته‌واوی چه‌ک و که‌لوپه‌له‌کانی داعش که‌ له‌نێو مۆڵگه‌که‌دا بوون، له‌نێو بران.