بەپێی هەواڵی کوردپرێس، سه‌رۆکایه‌تی هه‌رێمى کوردستان ئه‌مڕۆ یه‌کشه‌ممه‌ له‌ ڕاگه‌یه‌ندراوێکدا باسی له‌وه‌کردوه‌: "به‌ نیگه‌رانییه‌کى زۆره‌وه‌ له‌ پێشهاته‌ سه‌ربازییه‌کانى ڕۆژهه‌ڵاتى ناوه‌ڕاست و به‌ئامانجگرتنى سه‌ید حه‌سه‌ن نه‌سروڵا، ئه‌میندارى گشتیى حزبوڵاى لوبنانى و یاوه‌رانى ده‌ڕوانین، پرسه‌ و سه‌ره‌خۆشى له‌ خێزان و که‌سوکارى شه‌هیدان ده‌که‌ین و هاوخه‌میانین".

ئاماژه‌ی به‌وه‌ش کردووه‌، ئەو پێشهاتانه‌ مەترسییەکی جددی لەسەر ئاسایش و سەقامگیریی ناوچەکە دروست دەکەن، "هۆشداری دەدەین کە بەردەوامیى ئه‌م دۆخه‌ تەنیا کارەسات و ماڵوێرانیی زیاتری بۆ هه‌مو لایه‌ک به‌بێ جیاوازى لێدەکەوێتەوە".

سه‌رۆکایه‌تیی هه‌رێمى کوردستان ده‌شڵێت: "داوا لە هەمووان دەکه‌ین به‌ دانایى و دانبه‌خۆداگرتن، ڕێگه‌ له‌ تێکچوونی دۆخەکە بگرن و سەقامگیریی ناوچەکە بپارێزن".