بەپێی هەواڵی کوردپرێس، لە ڕاگەیەندراوێکدا، دامەزراوەی دارایی یەکێتی نیشتمانی کوردستان بڵاویکردەوە، بارەگای دامەزراوەی چاودێر کە موڵکی یەکێتییە و سەرجەم پێداویستییەکانی لەلایەن دامەزراوەی داراییەوە دابین کرابوو، کە ئێستا لێپرسراوەکەی پەیوەندی بە یەکێتییەوە نەماوە، وەرگیراوەتە.
وەک لە ڕاگەیەندراوەکەدا هاتووە، لەمەولا بارەگاکە بەکاردەهێنرێت بۆ ڕاپەڕاندی ئەرکە رێکخراوەییەکان و شوێنەکە تەرخان دەکرێت بۆ دامەزراوەیەکی تر کە خزمەت بە بەرژەوەندی گشتی و گەشەپێدانی سلێمانی و خەڵکەکەی بکات.