بەپێی هەواڵی کوردپرێس، ژمارەیێک لە شرۆڤەکارەکانی ناوچەکە بڕوایان وایە دژایەتیی تورکیا لەگەڵ هەڵمەتەکانی ئەمدواییەی ڕووسیا لە ئۆکراینا ڕەنگە زەبر لە هاوکاریی لاوازی ئەنقەرە و مۆسکۆ بدات لە سووریا.

غالب دالای، شرۆڤەکاری پرسەکانی تورکیا لە ڕێکخراوی چەتم هاوس-ی لەندەن ئاماژەی دا بە دژایەتیی تورکیا لەگەڵ هەڵمەتەکەی ڕووسیا لەدژی ئۆکراینا و هۆشداری داوە ڕەنگە ئەم هەنگاوەی تورکیا زەبر لە هاوکاریی لاوازی ئەنقەرە و مۆسکۆ بدات لە سووریا.

ناوبراو بە ماڵپەڕی میدل ئیست ئای-ی وتووە: هێشتا پرسی سووریا بەلای تورکیاوە زۆر گرینگە و مومکینە ڕووسیا تورکیا لە سووریا بخاتە ژێر گوشارەوە.