بەپێی هەواڵی کوردپرێس، ناوەندی چاپەمەنی و ڕاگەیاندنی بەڕێوەبەریی خۆسەری کوردستانی سووریا لە ڕاگەیەنراوێکدا ئاماژەی بەوەکردووە، ئیلهام ئەحمەد، هاوسەرۆکی دەستەی بەڕێوەبەری ئەنجوومەنی سوریای دیموکراتیک و بێریڤان خالید، هاوسەرۆکی ئەنجوومەنی بەڕێوەبەری بەڕێوەبەرایەتیی خۆسەری باکوور و ڕۆژهەڵاتی سووریا و خەسان یوسف، هاوسەرۆکی ئەنجوومەنی بەڕێوەبەری بەڕێوەبەرایەتی مەدەنیی دێرەزۆر لەگەڵ ئیمانوئێل ماکرۆن، سەرۆک کۆماری فەرەنسا کۆ بوونەوە.

بەپێی ڕاگەیانراوەکە، لە کۆبوونەوەکەدا لەبارەی دۆخی سیاسی ناوچەکە بە تایبەتی قەیرانی سووریا و هەروەها لێکدانەوە بۆ پێشنیازەکانی چارەسەری کراون.

لە کۆبوونەوەکەدا گفتوگۆ لەبارەی بەڕێوەبەریی باکوور–ڕۆژهەڵاتی سووریا و مۆدێلە بەڕێوەبەرییە دیموکراتیەکەی کرا و باسیش لە گەمارۆی سەر باکوور–ڕۆژهەڵاتی سووریا کرا.

شاندەکە لەبارەی تێکۆشان لە دژی داعش زانیاری وردیان بە ماکرۆن دا و باسیان لەوەکرد، داخستنی دەروازە سنوورییەکان کاریگەرییێکی خراپی لەسەر ناوچەکە دروست دەکات.

کۆدی هەواڵنێر: 60113