بەپێی هەواڵی کوردپرێس، ڕاوێژكاری مەسعوود بارزانی سەرۆکی پارتی دیموکراتی کوردستان لە لێدوانێكدا بە ڕۆژنامەی "الشرق الاوسط"ی ڕاگەیاندووە، ڕوونە کە کۆمەڵەی نەوت ناڕازییە لە بیرۆکراتیی و هەنگاوەكانی پەیوەست بە پرۆسەی دەستپێکردنەوەی هەناردەکردنی نەوت ئەوەش پەیوەندیی بەو گرووپە سیاسیانەوە هەیە فشار دەكەن لە بەغدا و هەوڵی تێکدانی سیستمی فیدراڵی وڵات دەدەن، كە ساڵانێکی زۆرە کاردەکەن بۆ دروست كردنی ئاستەنگ لەبەردەم گەشەسەندنی هەرێم و سەندنەوەی دەسەڵاتە دەستورییەکانی.

ناوبراو وتووشیەتی، بابەتەکە پەيوەستە بە سیاسەت نەک ڕێکاری تەکنیکی، بەتایبەتی دوای ئەوەی پەرلەمان هەموارکردنەوەی ماددەی ۱۲ی یاسای بوودجەی سەبارەت بە رێکارەکانی دەرهێنانی نەوت پەسەندکرد، سەیركە لەوەدایە، وەزیری نەوتی فیدراڵی نزیکەی دوو هەفتە لەمەوبەر ڕایگەیاند، لە ماوەی ۴۸ کاتژمێردا هەناردەکردن دەستپێدەکاتەوە، بەڵام ئەوە ڕووی نەدا.