بەپێی هەواڵی کوردپرێس: لیژنەی باڵای هەڵبژاردنی کۆمەڵی دادگەری کوردستان، ئەمشەو دووشەممە لە پەیامێکدا بڵاویکردەوە: "سەرباری ئەوەی هەندێک زانیاریمان لەسەر بەڕێوەچوونی پرۆسەی هەڵبژاردن بەدەست گەیشتووە و سەرقاڵی ‏لێکۆڵینەوەین لەبارەیانەوە، پاش تەواوبوونی لێکۆڵینەوەکانمان هەڵوێستی خۆمان لەبارەی پرۆسەکەوە ‏ڕادەگەیەنین".

دەشڵێت: "سوپاسی تەواوی دەنگدەرانمان دەکەین کە متمانەیان بە کۆمەڵی دادگەریدا و پشتیوانییان لێ کرد، ‏سوپاسی هەموو لیژنە و بازنە و تیم و میدیا و چاودێران و تەواوی ئەندامانمان دەکەین، سوپاسی تەواوی ‏کاندیدەکانمان دەکەین کە ماندووبوون و هەوڵی زۆریاندا، بەڵام وەک دیارە دەنگەکانی کۆمەڵی دادگەری ‏کورستان کەمی کردووە".

دەقی ڕاگەیەندراوەکەی لیژنەی باڵای هەڵبژاردنی کۆمەڵی دادگەری کوردستان بەمشێوەیە:

پاش کۆتایهاتنی پرۆسەی هەڵبژاردنی خولی شەشەمی پەڕلەمانی کوردستان، ئەنجامە بەدەستهاتووەکانی کۆمەڵی دادگەری لە ‏ئاست چاوەڕوانیی ئێمە و هەڵوێست و هەوڵەکانماندا نەبووە.‏

ئێمە سوپاسی تەواوی دەنگدەرانمان دەکەین کە متمانەیان بە کۆمەڵی دادگەری دا و پشتیوانییان لێ کرد. ‏سوپاسی هەموو لیژنە و بازنە و تیم و میدیا و چاودێران و تەواوی ئەندامانمان دەکەین، سوپاسی تەواوی ‏کاندیدەکانمان دەکەین کە ماندووبوون و هەوڵی زۆریان دا. بەڵام وەک دیارە دەنگەکانی کۆمەڵی دادگەریی ‏کورستان کەمی کردووە.‏

سەرباری ئەوەی هەندێک زانیاریمان لەسەر بەڕێوەچوونی پرۆسەی هەڵبژاردن بەدەست گەیشتووە و سەرقاڵی ‏لێکۆڵینەوەین لەبارەیانەوە، پاش تەواوبوونی لێکۆڵینەوەکانمان هەڵوێستی خۆمان لەبارەی پرۆسەکەوە ‏ڕادەگەیەنین.

ئەم دۆخە پێویست بە هەڵسەنگاندنی ورد و بەدواداچوونی جددی دەکات، پشتیوان ‏بە خوا بە پلان و ستراتیژ و بڕیاری پێویستەوە، لە ئایندەدا هیوا و ئومێد بۆ ئەندامان و دۆستان و دەنگدەرانمان ‏دەگێڕینەوە.‏

گومانی تێدا نییە خەبات و پڕۆژەی کاری ئیسلامی هەڵکشان و داکشانی تێدایە و ئایندە پێویستی بە ورەی بەرز ‏و چەسپاوی و بەردەوامی هەیە، هەر بۆیە داواتان لێ دەکەین پشوودرێژ و خۆڕاگر بن، پشتیوان بەخوا ‏کاروانی کۆمەڵی دادگەری باشتر و درەوشاوەتر دەبێت.‏