Fەپێی هەواڵی کوردپرێس، سەرۆک کۆماری تورکیا دەڵێت هەرگیز مێژوو لەو کەسانە نابوورێت کە بە پێوە چەپڵەیان بۆ دڕەندەیەک لێدا کە دەستی سوورە بە خوێنی هەزاران منداڵ و ژن و کەسی مەدەنی".

ئەردۆغان ڕاشیگەیاند: "نابێ ئەوە لەبیر بکرێت، ئەو پاکتاوی ڕەگەزییەی کە ئیسرائیل یەک ساڵە ئەنجامی دەدات و ئێستاش بەردەوامە، درەنگ یان زوو دەبێ باجەکەی بدات".

سەرۆک کۆماری تورکیا وێرای ئاماژەدان بە ٧ی تشرینی یەکەم، ڕایگەیاند: "٣٦٥ ڕۆژە زۆربەی ژن و منداڵ، بە هەزاران کەس دڕندانە لە غەززە کوژراون. نەخۆشخانەکان، شوێنە ئاینییەکان، قوتابخانەکان ئیتر وەک خۆیان نەماونەتەوە و ئیتر زۆریەک لە ڕۆژنامەنووسان، ڕێکخراوەکانی کۆمەڵگای مەدەنی و باڵیۆزانی ئاشتی لەناوماندا نەماون".

ئەردۆغان وتیشی: "لە غەززە، لە فەلەستین و ئەمڕۆژانەش لە لوبنان، تەنیا ژن، منداڵ، ساوا و سڤیل نامرن، بەڵکوو ئەوە مرۆڤایەتی و سیستەمی جیهانییە کە هاوکات دەمرێت".