کوردپرێس:
بەپێی راگەیێندراوی سەرۆکایەتی هەرێمی کوردستان، ئێواره‌ی ڕۆژی سێشه‌ممه ٣٠ی تەموزی ٢٠٢٤ له په‌راوێزی به‌شدارییاندا له رێوڕه‌سمی سوێندخواردنی سه‌رۆک کۆماری ئێراندا، نێچیرڤان بارزانی، سه‌رۆکی هه‌رێمی کوردستان و هاکان فیدان، وه‌زیری ده‌ره‌وه‌ی تورکیا کۆ بوونه‌وه.
له ڕاگەیەنراوەکەدا هاتووە کە هەردوولا جه‌ختیان له خواستی دوولایه‌نه بۆ فراوان کردنی هاریکاریی هاوبه‌ش و بره‌ودان به په‌یوه‌ندییه‌کانی تورکیا له‌گه‌ڵ عێراق و هه‌رێمی کوردستان له هه‌موو بواره‌کاندا کرده‌وه.
هه‌روه‌ها سەرۆکی هەرێمی کوردستان و وەزیری دەرەوەی تورکیا تیشکیان خستووەتە سەر دوایین پێشهاته‌کانی ناوچه‌که و چه‌ند پرسێکی جێی بایه‌خی هاوبه‌ش.
Your Comment