بەپێی هەواڵی کوردپرێس، ڕۆژنامەی جمهووریەت بڵاویکرده‌وه، وەزارەتی دەرەوەی تورکیا ستافان ھیرستریۆم، باڵیۆزی سویدی لە ئەنقەرە بانگھێشت کردووە و بە توندی سەرکۆنەی دیداری پیتەر هۆلکفیست وەزیری بەرگریی سویدی لەگەڵ مەزڵووم کۆبانی کردووە.
ئەم نیگەرانییەی تورکیا لەکاتێکدایە وەزیری بەرگریی سوید لەڕێی ڤیدیۆ کۆنفرانسەوە لەگەڵ مەزڵووم کۆبانێ فەرماندەی هێزەکانی سووریای دیموکرات کۆبووەتەوە.
پێشتر میدیاکانی هه‌سه‌ده بڵاویانکرده‌وه، مه‌زڵووم کۆبانێ و چه‌ند سه‌رکرده‌یه‌کی دیکه‌ی کورد له کوردستانی سووریا بە ئۆنلاین لەگەڵ وه‌زیری به‌رگریی سوید کۆ بوونه‌ته‌وه و گفتوگۆیان ده‌رباره‌ی دۆخی ئیستای سووریا و کوردستانی سووریا و شه‌ڕی داعش کردووە.
له کۆبوونه‌وه‌که‌دا مه‌زڵوم کۆبانێ داوای له وه‌زیری به‌رگریی سوید کردووه، هاوکاری سه‌ربازیی بگه‌یه‌ننه کوردستانی سووریا و یارمه‌تی سه‌ربازییان بدەن.
کۆدی هەواڵنێر: 60113
Your Comment