بەپێی هەواڵی کوردپرێس، ئەنجومەنی سووریای دیموكراتیی لە كوردستانی سووریا ئاشكرای كرد، 120 خێزانی ئەندامانی رێكخراوی داعش لە كەمپی هۆل ئازاد كراون، ئەوەش لە چوارچێوەی دەركردنی لێبوردنی گشتیدا بووە بۆ كەم كردنەوەی گوشاری سەر هێزەكانی پاراستنی كەمپەكان.

روونیشكراوەتەوە، ئازادكردن و جێهێشتنی كەمپەكان لەلایەن ئەو خێزانانەوە، ئارەزوومەندانەیە، ئەوەش بە پێچەوانەوەی ئازادكردنەكانی پێشوەوەیە، كە رێككەوتن لەگەڵ خێڵەكانی ئەو خێزانانەدا دەكرا.

كەمپی هۆل لە مەودای 40 کیلۆمەتریی ڕۆژهەڵاتی حەسەکەیە و 65 خێزانی داعشەكانی لەخۆگرتوە كە زۆرینەیان منداڵن و 10 هەزار بیانی تێدایە و 17 هەزاریان منداڵن، ئەوەش گوشارێكی زۆری لەسەر بەڕێوەبەری كەمپەكە دروست كردوە.

کۆدی هەواڵنێر: 60113