بەپێی هەواڵی کوردپرێس، عومەر تاشپینار و مایکل ئوهانلۆ لە زانکۆی بەرگری نیشتمانیی ئەمەریکا و ناوەندی برۆکینگزەوە لە یادداشتێکدا کە گۆڤاری نەشناڵ ئینترێستی ئەمەریکی بڵاوی کردۆتەوە، بە جۆ بایدنن سەرۆک کۆماری هەڵبژێردراوی ئەمەریکای ڕادەسپێرن پێچەوانەی دۆناڵد ترەمپ، سەرۆکی ئێستای ئەمەرکیا، هێزە ئەمەریکییەکان لە سووریا نەکشێنێتەوە و پشتی کوردی سووریا چۆڵ نەکات.

ئەم دوو شرۆڤەکارەی پرسەکانی ڕۆژهەڵاتی ناوەڕاست و کوردەکان، جەخت دەکەنەوە جۆ بایدن دەبێت تورکیا ڕازی بکات کە هاوکاریی نێوان ئەمەرکیا و کوردانی سووریا بۆ سەرکەوتن بەسەر داعشدایە نەک سەربەخۆیی کوردانی سووریا.

ئەم دوو شرۆڤەمارە بڕواشیان وایە ئەمەرکیا دەبێت زیاتر هەوڵ بۆ ئاشتیی نێوان تورکیا، دەوڵەتی سووریا و کوردانی ئەو وڵاتە بدات و پاشان بیر لە کشاندنەوەی هێزەکانی وڵاتەکەی لە سووریا بکاتەوە.

عومەر تاشپینار و مایکل ئوهانلۆ هەروەها جەخت لەوەش دەکەنەوە کە جۆ بایدن دەبێت هەوڵ بۆ ئاشتیی نێوان دەوڵەتی تورکیا و کوردی ئەو وڵاتە بدات. هەڵبەت ئەوەش لە ڕێگای گوشار خستنە سەر پەکەکە و دانانی چەک لەلاین ئەو گرووپەوە دەستەر دەکەرێت.

کۆدی هەواڵنێر: 60113