بەپێی هەواڵی کورپرێس، سوپای تورکیا هاوکات لەگەڵ هێرشەکانی بۆسەر پەکەکە لە باکووری عێراق بە درۆن و مووشەک ناوچەی ژێر کونترۆڵی کوردانی سووریاشی کردۆتە ئامانج. بەم حاڵەیشەهاوپەیمانیی دژە داعش بە سەرکردایەتیی ئەمریکا کاردانەوەیان نەبووە.
نووری مەحموود، وتەبێژی یەکینەکانی ئپاراستنی گەل بە گۆڤاری ئەلمۆنیتۆری ئەمریکیی وتووە سەرەڕای ئەوەی کە کوردانی سووریا پێبەندن بە ڕێکەوتننامەی ئاگربەستی 2019 لەگەڵ تورکیا بەڵام سوپای ئەو وڵاتە درێژە بە هێرشەکان دەدات بۆسەر کوردستانی سووریا.
هەروەها فەرهاد شامی وتەبێژی هێزەکانی سوویای دیموکرات ناڕەزایی لە بێدەنگیی هاوپەیمانان دەربڕیوە.
ناوبراو بە ئەلمۆنیتۆری وتووە هێزە کوردەکانی سووریا زیاتر بوونی گرژیەکانیان لەگەڵ تورکیا ڕاگەیاندووە بەڵام هاوپەیمانان کاردانەوەیان نەبوو.
Your Comment