به‌پێى هەواڵی کوردپرێس، شه‌وى ڕابردوو تیرۆریستانی داعش هێرشیان کردوه‌ته‌سه‌ر ناوچه‌ى "وادى خه‌نازیر" له نێوان هه‌ردوو ناحیه‌ى ریاز و ره‌شاد له باشوورى پارێزگاى کەرکووک و له‌ئه‌نجامدا دوو ئه‌ندامى هێزه‌کانى پۆلیسى فیدراڵىی عێراق کوژراون و چوارى دیکه‌ش بریندار بوون.
هه‌ر دوێنێ شه‌و، چه‌کدارانی داعش له سنووری شارۆچکه‌ی گوڵاڵه، هێرشیان کرده سه‌ر بازگه‌ی نه‌قشبه‌ندی که له‌لایه‌ن پۆلیسی فیدراڵی و پۆلیسی گه‌رمیانه‌وه به‌ڕێوه‌ده‌برێت، به‌هۆیه‌وه پۆلیسێکی فیدراڵی کوژرا و دوو پۆلیسی دیکه‌ش بریندارب وون.
نه‌قیب سه‌ردار مالوومه‌یی ئه‌فسه‌ری هه‌واڵگری فه‌وجی سێی لیوای پێنج له وه‌زاره‌تی پێشمه‌رگه به ماڵپه‌ڕی وێستگه‌نیوزی وتووه "داعش له سێ لاوه هێرشیان کرد، سێ پۆلیس برینداربوون و دوای گه‌یاندنیان به نه‌خۆشخانه، یه‌کێکیان گیانی له‌ده‌ست دا".
سه‌ردار مالوومه‌یی راشیگه‌یاندووە: له‌سه‌ر پردی گوڵاڵه بازگه‌ی هێزه‌کانی عێراقی لێیه و داعش هێرشی کرده‌سه‌ریان، شوێنه‌که‌ش له پێشمه‌رگه‌وه نزیکه، بۆیه ئه‌وانیش له سه‌نگه‌ره‌کان له ئاماده‌باشیدابوون بۆ هه‌ر ئه‌گه‌رێک.
وتیشی: "پۆلیسێکی گه‌رمیان به‌هۆی هێرشه‌که‌ی داعشه‌وه بریندار بووه".
سەرچاوە: ڕادیۆ نەوا
کۆدی هەواڵنێر: 60113
Your Comment