بەپێی هەواڵی کوردپرێس، ڕوانگەی سووریی بۆ مافەکانی مرۆڤ ڕایگەیاندووە کاروانە سەربازییەکەی لە 100 بارهەڵگری پڕ لەکەلوپەلی سەربازیی‌ و لۆجیستی پێکهاتوون.

ئەو کاروانە دوای گەیشتنیان بە خاکی کوردستانی سووریا، ڕوویان لەبنکە سەربازییەکانی هاوپەیمانێتییەکە لە قامیشلۆ و ڕەمیلان کردووە.

لە ڕاپۆرتەکەدا هاتووە: لانیکەم 4 زرێپۆشی برادلی لەلایەن ئەمریکاوە هێنراونەتە ناوچەکە.

ڕوانگەی سووریی بۆ مافەکانی مرۆڤ دەشڵێت کاروانە سەربازییەکە لە خاکی هەرێمی کوردستان ‌و لەڕێگای دەروازەی سنووریی وەلیدەوە گه‌یه‌نراونه‌ته‌ كوردستانی سووریا.